Agentliyin direktoru İsmayıllı Dövlət Humanitar və Texnologiya Kollecində olub
Agentliyin direktoru İsmayıllı Dövlət Humanitar və Texnologiya Kollecində olub
AzTehsil.com xəbər verir ki, avqustun 27-də Elm və Təhsil üzrə Dövlət Agentliyinin direktoru Ülkər Səttarova İsmayıllı Dövlət Humanitar və Texnologiya Kollecinə səfər edib.
Səfər zamanı kollecin rəhbər heyəti ilə görüş keçirilib, tədris prosesinin təşkili, ixtisas hazırlığı və mövcud təhsil imkanları ilə bağlı müzakirələr aparılıb. Ülkər Səttarova kollecin tədris korpuslarına və auditoriyalarına baxış keçirərək yaradılmış şəraitlə tanış olub.
Direktor təhsilin keyfiyyətinin yüksəldilməsi, müasir tələblərə cavab verən ixtisasların inkişafı və tələbələrin peşə hazırlığının gücləndirilməsi istiqamətində mühüm tövsiyələr verib, kollektivin suallarını cavablandırıb. Görüş çərçivəsində həmçinin kollecin gələcək inkişaf planları və regionda kadr hazırlığının təmin edilməsi məsələləri də müzakirə olunub.
