Zaqatala rayonu O.Rəsulov adına Muğanlı kənd tam orta məktəbi
Ötən il yenilənən məktəblərdən biri də Zaqatala rayonu Oruc Rəsulov adına Muğanlı kənd tam orta məktəbidir.
AzTehsil.com xəbər verir ki, “Azərbaycan müəllimi” "Yenilənən məktəblər" rubrikası çərçivəsində bu dəfə həmin məktəb haqqında məlumatları təqdim edir.
Müasir standartlara cavab verən yeni məktəb binasının tikintisinə 2024-ci ilin yanvar ayında başlanılıb. Üçmərtəbəli təhsil müəssisəsində tikinti işləri artıq yekunlaşıb. Təhsil ocağı 432 şagird yerlikdir.
Təhsil müəssisəsində 29 sinif otağı, tam təchiz olunmuş kimya, biologiya və fizika kabinet və laboratoriyaları, həmçinin informatika, gənclərin çağırışaqədərki hazırlıq, texnologiya kabinetləri, məktəbəhazırlıq otağı, kitabxana və kompüterlərlə təchiz olunmuş oxu zalı mövcuddur.
Təhsil ocağında həmçinin 260 nəfərlik akt zalı, 90 nəfərlik bufet və müasir tələblərə cavab verən idman zalı da şagirdlərin istifadəsinə verilib.
