"Sertifikasiya çox rahat və şəffaf keçirilib "- Müsahibə

Ötən gün keçirilən müəllimlərin sertifikasiyası imtahanına 6142 müəllim dəvət olunub.

AzTehsil.com xəbər verir ki, 1 saat 15 dəqiqə ərzində sertifikasiyadan 58 bal toplayan 185 nömrəli məktəbin biologiya müəllimi Əfsanə Cəfərova imtahanın çox rahat və şəffaf keçirildiyini bildirib.O qeyd edib ki, suallar yaxşı hazırlanmışdı və tam olaraq müəllimin savadını ölçə biləcək səviyyədə idi:

"Əslində özüm üçün 60 bal gözləyirdim. Düşünürəm ki, iki sualı kurikulumdan səhv etmişəm. Suallar arasında asan, orta və çətin səviyyəli suallar var idi. Ümumilikdə suallar çox yaxşı tərtib olunmuşdu. Öhdəsindən gələ biləcək suallar idi, heç bir çətinlik yox idi", - deyə müəllim əlavə edib.İmtahan verəcək müəllimlərə demək istəyirəm ki, həyəcanlanmasınlar və uğur qazanmaq üçün əzmlə çalışsınlar.Salyan rayonu Rəfael Quliyev adına Ərəbqardaşbəyli kənd tam orta məktəbinin coğrafiya müəllimi Həmidə Əliyeva maksimum nəticə göstərən təhsilverənlərdən biri olub. Həmidə müəllim təəssüratlarını "Azərbaycan müəllimi" ilə paylaşıb:

"Ərəbqardaşbəyli kənd tam orta məktəbində 6 ildir ki, coğrafiya müəllimi işləyirəm. Sertifikatlaşdırma imtahanına davamlı olaraq öz üzərimdə işləməklə hazırlaşırdım. İmtahan yüksək səviyyədə təşkil olunmuşdu və şəffaf keçirildi. Suallar proqramı tam əhatə edirdi, bəzi suallar bir qədər düşündürücü idi. 

İmtahan verəcək müəllimlərə demək istəyirəm ki, həyəcanlanmasınlar və uğur qazanmaq üçün əzmlə çalışsınlar. Sertifikatlaşdırma biz müəllimləri öz üzərimizdə daha çox və ciddi şəkildə işləməyə sövq edir".