Müəllimlərə təşəbbüsləri valideynlər edir - ƏTRAFLI
Deputatdan çağırış: Müəllimlərlə bağlı məsələlərdə dəqiqləşdirmə aparılmalıdır..
"Müəllimi davamlı olaraq müzakirə etmək, təzyiq altında saxlamaq və onun psixoloji durumuna mənfi təsir edir".
AzTehsil.com- n əldə etdiyi məlumata görə bunu Milli Məclisin deputatı Ceyhun Məmmədov parlamentin Elm və Təhsil Komitəsində müzakirəyə çıxarılan “Təhsil haqqında” və “Məktəbəqədər təhsil haqqında” qanunlara təklif edilən dəyişiklik layihəsində əksini tapıb.
O, bir neçə gün əvvəl rayonların birində müəllimə üzük bağışlanması məsələsinə də toxunub:
"Son günlər Azərbaycan mətbuatında müəllimlərlə bağlı yazılar görürük. Rayonların birində müəllimə üzük bağışlanması məsələsi gündəmə gəldi. Düzdür, müəllim nümunəvi olmalıdır. Ancaq biz və media müəllimin nüfuzunu qorumalıyıq. Gün ərzində müsahibələrdə də deyirəm ki, neqativlərin olmasını istəmirik, amma neqativlər tək məktəblərdədirmi? Davamlı olaraq bununla bağlı müzakirələrin aparılması, müəllim obrazı ilə bağlı mənfi nəticələrə gətirib çıxarır. Bizim cəmiyyət müəllimə çox yüklənib. Müəllim rüşvət ala bilməz, amma davamlı olaraq müəllimin hədəfə alınması onun tədris prosesindəki fəaliyyətinə mənfi təsir göstərir. Ona görə çağırış edirəm ki, bu kimi məsələlərdə dəqiqləşdirmə aparmalıyıq. Son hadisələr bir daha onu göstərdi ki, bəzi təşəbbüslər valideynlər tərəfindən irəli sürülür. Valideynlər də bundan uzaq olmalıdır".
