Bu gün 21 mindən çox IX sinif şagirdi buraxılış imtahanı verəcək
Aprelin 17-də Dövlət İmtahan Mərkəzi (DİM) tərəfindən Bakı şəhərinin Binəqədi, Səbail rayonlarında, Abşeron (I hissə), Astara, Ağcabədi, Oğuz, Saatlı, Şabran, Şamaxı, Siyəzən, Xızı, Zaqatala rayonlarında, Gəncə (Nizami) şəhərində Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə buraxılış imtahanları keçirilir.
DİM-dən bildirilib ki, imtahanlarda 21 min 749 nəfər şagirdin iştirakı nəzərdə tutulur.
İmtahanlar saat 11:00-da başlanır. Saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmayacaq.
Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.
İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.
Şagirdlər imtahana aşağıda qeyd edilən sənədləri gətirməlidirlər:
-İmtahana buraxılış vərəqəsi;
-Sağlamlıq haqqında bəyannamə (buraxılış vərəqi ilə birlikdə çap edilir və imzalanır. İmtahana buraxılış vərəqəsi şagirdin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);
– Şəxsiyyəti təsdiq edən sənədin əsli:
a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;
b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;
-Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3×4 ölçülü şəkli yapışdırılır və şəkil möhürlə təsdiqlənir).
Ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. İmtahana bədən hərarəti 37°C-dən aşağı olan şəxslər buraxılır.
Şagirdlər binaya daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədin üz tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını aşağı salaraq üzünü göstərməlidir.
Bu gün 21 mindən çox IX sinif şagirdi buraxılış imtahanı verəcək
Sabah növbəti buraxılış (qəbul) imtahanları keçiriləcək
Sabah 16 mindən çox şagird buraxılış imtahanı verəcək
Sabah 24 minədək doqquzuncu sinif şagirdi buraxılış imtahanı verəcək
Sabahdan tam orta təhsil səviyyəsi üzrə buraxılış imtahanlarına başlanılır
Bu gün 22 mindən çox doqquzuncu sinif şagirdi buraxılış imtahanı verəcək
Növbəti buraxılış imtahanları keçirilir
Sabah 9 minə yaxın şagird buraxılış imtahanı verəcək
Bu gün növbəti buraxılış imtahanları keçiriləcək
Bu gün buraxılış imtahanları keçiriləcək
Növbəti buraxılış imtahanı keçirilir
Bu gün 25 minə yaxın şagird buraxılış imtahanı verir
Bu gün 17021 abituriyent üçün buraxılış imtahanı KEÇİRİLİR
DİM buraxılış imtahanı keçirir
Bu gün növbəti qəbul imtahanı keçiriləcək
Bu gün 10 mindən çox şagird buraxılış imtahanı verir
13 minədək şagird buraxılış imtahanı verəcək
Bu gün 20 minədək şagird buraxılış imtahanı verəcək
Bu gün 18 min şagird imtahan verir
Buraxılış imtahanlarında iştirak edə bilməyənlər üçün NÖVBƏTİ ŞANS
Bu gün III ixtisas qrupu üzrə qəbul imtahanı keçiriləcək
Bu gün 4606 nəfər imtahan verir
Bu gün I və IV ixtisas qrupları üzrə qəbul imtahanları keçiriləcək
Dövlət İmtahan Mərkəzi tərəfindən avqustun 27-də növbəti imtahanlar keçiriləcək