Xəbərlər / Müəllim
16 sentyabr 2021
4 867
Şagirdlərin zəif nəticə göstərdiyi fənn açıqlandı
"Beynəlxalq qiymətləndirmələrin nəticəsi zamanı məlum oldu ki, şagirdlərin təbiət fənləri üzrə bilikləri nisbətən zəifdir”.
Bunu "Media və təhsil dialoqu” mövzusunda keçirilən təlimdə Təhsil İnstitutunun direktoru Rüfət Əzizov bildirib.
Onun sözlərinə görə, bu məqsədlə "Azərbaycanda ümumi təhsilin dövlət standartlarında” təbiət fənninin təliminə qərar verilib:
"Təhsil Nazirliyinin dəstəyi ilə "Təbiət-5” dərslik komplekti hazırlanaraq ölkə üzrə 132 məktəbdə pilot sınağa təhvil verilib. Yeni dərslik V siniflərdə tədris olunacaq. Dərslik ilk dəfə tətbiq edildiyindən bu fənni tədris edəcək pilot siniflərin müəllimlərini təlimləndirmək məqsədi ilə dərslik müəllifləri tərəfindən treninqlər təşkil edilib”.
"Bu dərsliyin gələcəkdə VI siniflərdə də keçirilməsi nəzərdə tutulur. VII sinifdən isə təbiət fənləri kimya, biologiya və fizika fənləri olaraq ayrılacaq” – deyə o qeyd edib.
