Övladımızı kompüter əsarətindən necə qoruyaq?

Kompüter məktəb çağından etibarən uşaqlara sərhədsiz bir dünya təqdim edir. Bu dünyada idarəçi sizsiniz, qaydaları siz qoyursunuz. Qaydalarını sizin qoyduğunuz, geniş və sərhədsiz bir dünyanı uşağın istəməməsi qədər təbii bir şey yoxdur.

Əslində kompüterin uşaq dünyasında bu qədər gündəmdə olmasının əsas səbəbi, uşaqların sağlam ünsiyyət quracaqları sahələrin və zamanların olmamasıdır. Uşaq dünyaya gəlir, tək başına bir evdə böyüyür. Əgər qonşuluq əlaqələri də yaxşı deyilsə, başqa bir uşaq görə bilmirsə tək böyüməyə davam edir. Məktəbə gedir, məktəbdə yoldaşlarıyla birlikdə olur amma beş dəqiqəlik tənəffüsdə uşaq nə edəcəyini bilmir. Bu səbəbdən uşağın ruhunun bəslənməsini təmin edəcək şəkildə, oyun oynaya biləcək nə dostu, nə zamanı, nə də yeri var. Beləcə uşaq oyun ehtiyacını virtual mühitdə aradan qaldırmaq üçün cəhd edir. O virtual mühitdə sərhəd yoxdur, əvəzində çoxlu yoldaşlar var və kimsə uşağa qayda qoymur.

Biz evdəki kompüterin necə və nə məqsədlə istifadə edilməsinə nəzarət etmək məcburiyyətindəyik. Diqqətsizlik etsək uşağın virtual dünyanın içində fərqli anlayışlarla tanış olması çox təbiidir. Valideyn.az təklif edir ki məktəb dövrlərində, həftə içində uşağın kompüterlə əlaqəsini kəsmək lazımdır. Kompüterlə bağlı olaraq, oyunların seçkisində, oyunların oynanma müddətlərində sərhəd qoymaq lazımdır. Nəzarət kompüterdə yox, uşaqda yox, nəzarət ailələr olaraq bizdə olmalıdır. Xüsusi bir sıra hallar istisna olmaqla, məsələn ev tapşırığı xaricində, uşağın əyləncə vasitəsi olaraq həftə içində kompüter istifadəsini dəstəkləmirik. Çünki zaman baxımından ciddi bir problem yaranır, ikincisi də uşaq kompüterdən istifadə etməyə başladıqda , oradan təkrar qalxıb dərs ilə məşğul olmağı mümkün olmur. Davamlı olaraq başlarında kompüter oyunları olduğu üçün dərsə diqqət yetirə bilmirlər.

Ona görə həftə sonu vaxta nəzarət etməklə ,məsələn bir saat kompüterdə oyun oynamalarına icazə verə bilərik. Beleliklə, övladlarımızı komputer əsarətindən xilas edə bilərik.