Üzeyir bəyin hələ də yaşadığına əmin olan müəllimlərimiz varmış..
AzTehsil.com xəbər verir ki, bugünlərin ən çox müzakirə olunan mövzularından biri musiqi məktəbləri müəllimlərinin attestasiyasıdır. Niyə bu müəllimləri 30 il ərzində ilk dəfə olaraq attestasiya edirlər? Camaatın çörəyinə niyə bais olurlar? 30 ilin müəllimini də attestasiya edərlər? - Bunlar sosial mediada ən çox səsləndirilən suallardandır.
Əslində isə nə baş verir?
Mədəniyyət Nazirliyi ötən il bəyan etdi ki, müəllimlərin qiymətləndirməsini edəcək. Özü də söz verdi ki, hər şey şəffaf olacaq. Beləliklə, söz verdiyi vaxtda, fevralda attestasiyanı başladı. 1700 müəllim 14 gün ərzində attestasiya olunub.
1183 nəfər müəllim uğurla attestasiya olundu, o cümlədən bunlardan 650 nəfəri ən yüksək nəticə ilə prosesi yekunlaşdırıb.Təəssüflər olsun ki, musiqi və incəsənət məktəblərində 90-cı illərdə mövcud olmuş və qeyri-qanuni fəaliyyət göstərən “orta ixtisas və ali təhsil” müəssisələrinin məzunu olmuş yüzlərlə saxta diplomlu müəllim fəaliyyət göstərir. Attestasiyadan da göründüyü kimi, onların böyük əksəriyyətinin bilik və bacarıq göstəricilər bitirdikləri təhsil müəssisələrinin səviyyəsinə uyğun olub.Təbii ki, attestasiya hələ yolun başlanğıcıdır. Bizim musiqi məktəblərində hələ də 1963-ci ilin dərsliklərlərindən istifadə olunur. Bu islahatlar davamlı olmasa yəqin ki mədəniyyətimizin sabahı ilə bağlı da çox aydın düşünə bilməyəcəyik.....ardı olacaq !
