Azərbaycanda sığınacaqda qalan üç uşaq təhsillə bağlı problem yaşayıb
Azərbaycanda sığınacaqda qalan üç uşaq təhsillə bağlı problem yaşayıb.
AzTehsil.com- n əldə etdiyi məlumata görə Azərbaycan Uşaqlar Birliyinin sədri Kəmalə Ağazadə sığınacaqda fərdi təhsilə getməli olan 3 uşağın yerdəyişməsinin edilməməsindən narazıdır: “Noyabrın 14-də bununla bağlı paylaşım etmişdim. 17-si dedilər ki, həftənin 1-ci günündən artıq gedəcəklər. Hər gün paltarını axşamdan hazırlayıb bizdən cavab gözləyirdi. 16 yaşlı 3-cü sinfə fərdi təhsil üçün hazırlaşan qızımız depresiv vəziyyətdədir artıq! Kəsib doğrayıb paltarlarını...”
Daha sonra Kəmalə Ağazadə yeni paylaşım edərək məsələnin həll olunduğunu qeyd edib: "İş saatı başlayan kimi mənə Bakı Şəhəri üzrə Təhsil İdarəsinin əməkdaşı Bəşarət müəllim zəng edərək bildirdi ki, müraciətimizlə bağlı qərar və tapşırıq artıq 314 nömrəli tam orta ümumtəhsil məktəbinin direktoru Səfa müəllimə verildi. 3 uşaq 1 dekabr 2025-ci il tarixdən müvafiq cədvələ uyğun olaraq fərdi təhsilə gedəcək”.
