Məktəb rəhbərlikləri ilə “Keyfiyyət üzrə fəaliyyət planı” müzakirə edilib
AXRTİ-nin tabeliyindəki məktəb rəhbərlikləri ilə “Keyfiyyət üzrə fəaliyyət planı” müzakirə edilib.
AzTehsil.com xəbər verir ki, Azərbaycan Respublikasının Təhsil İnstitutunun tabeliyində olan ümumtəhsil məktəblərinin rəhbərlikləri ilə “Keyfiyyət üzrə Fəaliyyət Planı”na dair görüş keçirilib. Görüşdə Təhsil Keyfiyyətinin Təminatı Şöbəsinin əməkdaşları, yerli təhsil sektorlarının müdirləri, məktəb direktorları və direktor müavinləri iştirak ediblər.
Tədbirdə ibtidai və ümumi orta təhsil səviyyələri üzrə aparılan monitorinqlər, buraxılış siniflərində nəticələrin yüksəldilməsi, BSQ-lərin elektron formada təşkili, eləcə də məktəblərdə məntiq və şahmat dərnəklərinin fəaliyyəti ilə bağlı məsələlər geniş müzakirə olunub.
Eyni zamanda, Bilbacar və Cerebry layihələri üzrə əldə edilən nəticələrin təhlili aparılıb, bu istiqamətdə inkişafı təşviq edəcək addımlar müzakirə olunub və maarifləndirici söhbətlər təşkil edilib.
