3 mart - Ümumdünya yazarlar günüdür
AzTehsil.com - 1986-cı ildə Beynəlxalq PEN-klubun 48-ci konqresinin qərarına əsasən mart ayının üçü Yazarlar günü elan edilmişdir. 1921-ci ildə təşkil edilmiş PEN-klub yazarların beynəlxalq birliyidir (PEN - ingilis dilində poets - şairlər, essayists - oçerkçilər, novelists - romançılar sözlərindən yaranıb).
PEN-klubun yaradılması - ingilis qadın yazarı Katrin Emi Douson-Skottun ideyasıdır. PEN-klubun Birinci prezidenti Con Qolsuorsi seçilmişdir. 1923-cü ildə PEN-klubun ilk beynəlxalq konqressi açıldı (o zaman artıq 11 ölkədə PEN-klublar yaradılmışdı). Hal-hazırda PEN-klublar (mərkəzlər) 130 ölkədə fəaliyyət göstərir.
PEN-klubun Hartiyasında (əsasnaməsində) göstərilir ki, "PEN-klub hər ölkənin daxilində və ölkələr arasında informasiya azadlığı prinsiplərini müdafiə edir. Klubun üzvləri öz ölkələrində, eləcə də bütün dünyada (mümkün qədər) söz azadlığının boğulmasının istənilən formasına qarşı etiraz etməyə borcludurlar. PEN-klub mətbuat azadlığını müdafiə edir, sülh dövründə ixtiyari senzuraya qarşı çıxır. PEN-klub hesab edir ki, bəşəriyyətin daha ali siyasi və iqtisadi inkişafı hökumətin, idarə orqanlarının və siyasi təşkilatların sərbəst tənqidini tələb edir. // Sima, Kultaz
