“Çox təəssüf ki, məktəblərdə müəllimlər uşaqlara bunu öyrətmirlər”

“Çox təəssüf ki, məktəblərdə müəllimlər uşaqlara bunu öyrətmirlər”-Qəzənfər Paşayev kimlərdən şikayətləndi?“Mən belə hesab edirəm ki, dünyada bəşəriyyətin ən böyük kəşfi kitablardır. İnsan bu kitablardan hər şeyi əxz edir. İnsanların, bəşəriyyətin yaratdığı nə olsa nəsildən-nəslə keçir və gələcək nəsillərə qismət olur. Bunu biz kitablardan öyrənirik. Ona görə də kitab böyük əhəmiyyəti olan bir şeydir. Təəssüf ki, son vaxtlar buna fikir vermirlər. Gəncləri kitabı sevmək uğrunda mübarizəyə qoşa bilmirlər. Sevdirə bilmirlər. Gərək uşaqlar kitabı sevsinlər”.

AzTehsil.com xəbər verir ki, bunu Əməkdar elm xadimi, professor Qəzənfər Paşayev Beynəlxalq Uşaq Kitabı günü ilə bağlı açıqlama verib. “Uşaq öz ana dilində danışmağı bilməlidir. Mən bir neçə dil bilirəm. Xarici ölkələrdə də çox olmuşam. Görürsən ki, uşaqlar heç bir şeyi fikirləşmədən, düşünmədən necə danışırlar. Nə mövzuda desən onun haqqında danışırlar. Amma bizdə uşaqları gərək bir mövzu haqqında çalışdırıb, nəsə öyrədəsən ki, bir söz desin. Çünki məktəbdə uşaqlarda bu təfəkkürü inkişaf etdirmirlər. Əzbərləməklə bir şey çıxmaz. Gərək dili inkişaf etdirəsən. Dili inkişaf etdirmək üçün də kitabları oxumaq lazımdır. Poeziyanı bilmək lazımdır. Bunlar böyük şərtlərdir” deyə professor bildirib.

O daha sonra inkişafa toxunub: “Uşaq öz ana dilində danışmağı bilməlidir.Mən bir neçə dil bilirəm. Poeziyanı inkişaf etdirmək lazımdır”.Qəzənfər Paşayev deyir ki, bu işdə əsas yük məktəblərin üzərinə düşür: “Son vaxtlar bir şeyi də aşkar edirəm ki, uşaqlara kiçik yaşlarından başqa dil öyrədirlər. Bizim uşaqlara kömək etmək lazımdır salam O dahi şəxsiyyətlərin çıxması üçün müəllimlər, bacarıqlar çox çalışmalıdır. Uşaq anadan olanda beyni boş olur. Ora nə doldurmağın lazım olduğunu evdə idarə edənlər, məktəbdə olan müəllimlər bilir. Onların beyninə mənasız şeylər yazmaq, doldurmaq lazım deyil. Bunlar hamısı çox vacibdir. Biz həyatı yaşadıq gördük. İndi isə zəmanə başqadır. Gərək bu zəmanə ilə ayaqlaşasan. Zamanla ayaqlaşmaq üçün gərək uşaqları yetişdirəsən. Hər dövrün öz tələbi var. Allaha şükür, bizim çox dahi şəxsiyyətlərimiz dünyaya səs salıblar. Bundan sonra da olacaq. Çünki xalqımız həqiqətən də istedadlı xalqdır. Bəzi adamlar yalnız var-dövlət haqqında fikirləşirlər. Uşaqları da ora yönəldirlər. Ancaq bu düz deyil. Uşaqlara sənət, dil öyrətmək lazımdır” deyə professor deyib.