Bugün Bakıda "Malayziyada təhsil" sərgisinin açılışı olub
Bugün Bakıda "Malayziyada təhsil" sərgisinin açılışı olub.
AzTehsil.com xəbər verir ki, sərgidə çıxışı zamanı Malaziyanın Azərbaycandakı səfiri Ahmad Kamrizamil Mohd Riza bildirib ki, ölkəsi 250 min xarici tələbə qəbul etməyi və beynəlxalq təhsil mərkəzinə çevrilməyi hədəflədiyir.
O, sərginin Azərbaycan və Malayziya arasında təhsil sahəsində sürətlə inkişaf edən ikitərəfli münasibətləri əks etdirdiyini deyib.
"Hazırda Malayziyada 50-dən çox azərbaycanlı tələbə təhsil alır və bu, Malayziya ali təhsilinə artan marağı nümayiş etdirir", - diplomat vurğuladı.
O qeyd edib ki, Malaziyada təhsil keyfiyyətli, təhlükəsiz və əlçatandır: “Sərgi akademik əməkdaşlığın gücləndirilməsinə və azərbaycanlı tələbələr üçün beynəlxalq səviyyədə tanınan təhsil imkanlarının genişləndirilməsinə xidmət edir”.
Bildirilib ki, Malayziya yüksək keyfiyyətli təhsil, güclü beynəlxalq reytinqlər, təhlükəsiz və qonaqpərvər mühit, münasib yaşayış xərcləri və Azərbaycan vətəndaşları üçün viza rejiminin olmaması ilə seçilərək, ali təhsil üçün çox cəlbedici ölkə hesab olunur.
