NAZİRLİK müraciət edib
Nazirlik qrant ayrılan bağçaların ödənişləri ilə bağlı valideynlərə müraciət edib
Nazirlik qrant ayrılan bağçaların ödənişləri ilə bağlı valideynlərə müraciət edib
Son günlərdə sosial şəbəkələrdə yayılan məlumatlarda iddia edilir ki, Elm və Təhsil Nazirliyi tərəfindən həyata keçirilən özəl məktəbəqədər təhsil müəssisələri üçün qrant müsabiqəsinin nəticələrinə əsasən, qrant qalibi olan bəzi bağçalar bu prosesdən sui-istifadə edərək əvvəlki aylarda 250–300 manat olan aylıq ödənişi 450-550 manata qaldırıb.
AzTehsil.com xəbər verir ki, qrant müqavilələrinin icrası başlandıqdan sonra müvafiq cədvəldə göstərilən ödənişlər elektron portal üzərindən həyata keçiriləcək və valideynlərdən əlavə ödənişlərin tələb olunmasına yol verilməyəcək: "Bildiyiniz kimi, 63 özəl məktəbəqədər təhsil müəssisəsi Elm və Təhsil Nazirliyi tərəfindən elan olunan özəl məktəbəqədər təhsil müəssisələri üçün qrant müsabiqəsinin qalibi olub və qalib gəlmiş özəl bağçalarla qrant müqavilələri imzalanıb.
Nəzərinizə çatdırırıq ki, qrant müqavilələrinin icrası başlandıqdan sonra ödənişlər elektron portal üzərindən həyata keçiriləcək və valideynlərdən əlavə ödənişlərin tələb olunmasına yol verilməyəcək.
Valideynlər müvafiq cədvəldə qeyd edilmiş təhsil haqlarından kənar hər hansı ödəniş tələbi ilə üzləşildiyi halda, Elm və Təhsil Nazirliyinin 146 Çağrı Mərkəzinə məlumat verə bilərlər.
Vurğulayırıq ki, qrant müsabiqəsi üzrə bütün məlumatların tam şəffaflıqla ictimaiyyətə təqdim edilməsi davam etdiriləcək", – deyə açıqlamada qeyd olunur.
