İnklüziv təhsilə cəlb olunan uşaqların sayı AÇIQLANIB
Hazırda ümumi təhsil müəssisələrində 414 uşaq inklüziv təhsilə cəlb olunub.
AzTehsil.com xəbər verir ki, bu barədə Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, inklüziv təhsilin təşkil edildiyi ümumi təhsil müəssisələri uşaqların ehtiyaclarına uyğun didaktik materiallarla təmin olunub, fərdi və qrup məşğələlərinin keçirilməsi üçün köməkçi otaqlar təşkil edilib. Köməkçi otaqlar inklüziv tədris prosesi üçün müvafiq avadanlıqlarla təmin olunub.
Əlavə olaraq, ümumi təhsil müəssisələrində sağlamlıq imkanları məhdud şagirdlər üçün loqopedik xidmət otaqları təşkil olunub. Hazırda həmin müəssisələrdə ixtisaslı loqopedlər fəaliyyət göstərir. Sağlamlıq imkanları məhdud şagirdlərin loqopedik məşğələlərə cəlb olunması təmin edilib. Loqopedik məşğələlərin saatları Elm və Təhsil Nazirliyinin hər tədris ili üzrə təsdiq etdiyi tədris planlarına əsasən müəyyənləşdirilir.
