10 minə yaxın müəllim öz rayonunda çalışacaq
10 minə yaxın müəllim öz rayonunda çalışacaq.
2022–2026-cı illər ərzində 137.000 nəfər müəllimin sertifikatlaşdırma proqramında iştirakı və uğur qazanan heyətin diferensial əmək haqqı sisteminə cəlb olunması üçün 2026-cı ilin büdcəsində 212 milyon 800 min manat vəsait nəzərdə tutulmuşdur. 2026-cı tədris ilində 88 min beş yaşlı uşağın məktəbəqədər hazırlıq qruplarında iştirakı üçün 37 milyon manat ayrılıb.
AzTehsil.com xəbər verir ki, bunu parlamentin Elm və təhsil komitəsinin sədri Anar İsgəndərov bugünkü plenar iclasında “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı deyib.
O qeyd edib ki, pedoqoji profilli ali və orta ixtisas təhsili müəssisələrini bitirmiş 9.900 nəfərdən çox gənc mütəxəssisin öz rayonlarında işə cəlb olunması üçün yol xərci, əmlakın daşınması, ilkin yaşayış şəraitinin yaradılması məqsədilə 20 milyon manat nəzərdə tutulub:
"Pedoqoji təhsilli gənclərin kəndlərə getməsi üçün təkcə təbliğat kifayət etmir, diqqəti cəlb edən güzəştlərə də böyük ehtiyac vardır.
Mühəndislik və tibb ixtisasları olmaqla 300 nəfər tələbənin təhsil alacağı Azərbaycan–Türkiyə Birgə Universitetinin fəaliyyətinə növbəti ildə 6 milyon manat, Qarabağ Universitetinin fəaliyyətinin 2026-cı ildə təmin olunması məqsədilə isə 39 milyon manat ayrılıb".
