Qubada kitab SƏRGİSİ
Qubada “Zəfərin Uşaqları ilə Oxu Marafonu – Şimal bölgəsi məktəblilərinin mütaliə yarışı” layihəsi çərçivəsində kitab sərgisinə start verilib.
AzTehsil.com xəbər verir ki, 31 oktyabr 2025-ci il tarixdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi, “Azərbaycan Nəşriyyatları Assosiasiyası” İctimai Birliyinin təşkilatçılığı ilə Quba rayon Heydər Əliyev Mərkəzində “Zəfərin Uşaqları ilə Oxu Marafonu – Şimal bölgəsi məktəblilərinin mütaliə yarışı” layihəsi çərçivəsində I Quba Kitab Sərgisi başlanmışdır.
“Zəfərin Uşaqları ilə Oxu Marafonu – Şimal bölgəsi məktəblilərinin mütaliə yarışı” layihəsi çərçivəsində I Quba Kitab Sərgisi bu gündən başlayaraq üç gün müddətində Quba rayon Heydər Əliyev Mərkəzində davam edəcəkdir. Kitab Sərgisi çərçivəsində oxuyuculara minlərlə yeni çap olunmuş kitab almaq imkanı və onlarla yazıçı və şairin imza mərasimi, şeir saatları, uşaqlar üçün nağıl və əyləncə saatları təşkil ediləcəkdir. Bundan əlavə olaraq sərgidə uşaqlar üçün intellektual masterklaslar, əyləncəli tədbirlər, oxu saatları və səhnəciklər təşkil olunacaq.
Tədbirin sonunda layihə çərçivəsində fərqlənən məktəblilərə mükafatlar təqdim olunmuşdur.
