Valideynlərin Nəzərinə! Uşaqların qidalanması ilə bağlı ÇAĞIRIŞ
AzTehsil.com- n əldə etdiyi məlumata görə Azərbaycan Qida Təhlükəsizliyi Agentliyi (AQTA) valideynlərə uşaqların qidalanması ilə bağlı çağırış edib.
"Məktəb illəri uşaqların gələcək həyat tərzini, xüsusən də qidalanma vərdişlərini formalaşdırır. Bu dövrdə ailə, məktəb və sosial mühit onların qida seçimlərinə təsir edir.
Təəssüf ki, bir çox məktəbli meyvə-tərəvəz əvəzinə fastfud, şirniyyat və qazlı içkilərə üstünlük verir ki, bu da artıq çəki və ümumi sağlamlıq problemlərinə səbəb yaradır.
Araşdırmalar göstərir ki, uşaqlıqda sağlam qidalanma vərdişləri böyüdükdə də davam edir. Buna görə valideynlər uşaqların menyusuna meyvə, tərəvəz, zülallı məhsullar və sağlam içkilər əlavə etməklə onların həm təhsil uğurlarına, həm də sağlam gələcəyinə töhfə verə bilərlər. 
