Bu fənlə bağlı bağlı dəyişiklik olacaq !
"Azərbaycan tarixi dərslərində istifadə olunan mətnlər uşaqların nitqinə uyğun deyil və cümlələr həddindən artıq uzun qurulub".
AzTehsil.com xəbər verir ki, bunu “2025-2026-cı tədris ili: Yeniliklər və hədəflər” adlı tədbirdə elm və təhsil naziri Emin Əmrullayev deyib.
Onun sözlərinə görə, tariximiz hekayə kimi danışılmalıdır:
"Uşaq yolda birinə də bunu danışa bilməlidir. Bu bizim tariximizdir. Mən tarixçi deyiləm, ola bilər ki, nəyisə səhv deyirəm. Sadəcə vətəndaş mövqeyimi ifadə edirəm. Düşünürəm ki, bu dəyişməlidir".
Nazir digər fənlərdəki problemlərə də toxunub:
"Azərbaycan dili dərslərində isə çoxlu sayda qaydalar olsa da, əsas çatışmazlıq oxuyub-anlama bacarığının olmamasıdır. Nəticədə, şagirdlər oxuduqlarını anlamaqda çətinlik çəkirlər. Mən bunu havadan demirəm, rəqəmlərə əsaslanaraq söyləyirəm. 4 uşaqdan 1-i təxminən oxuyub anlamır. Bu prosesdə rəqəmlər getdikcə artır. Bəzi insanlara bu qəribə görünə bilər, çünki adətən auditoriya ilə danışırıq ki, onlar bunu bacarır. Amma biz sizə ölçmənin nəticəsini təqdim edirik. Bundan başqa, ölkəmizdəki biologiya fənni ilə dünyada keçirilən biologiya fənni arasında çox böyük fərq var. Biz bunu dəyişməliyik və dəyişəcəyik də....
