Yeni dərs ilinə hazırlıq dedikdə....._ ƏTRAFLI

AzTehsil.com xəbər verir ki, yeni tədris ilində bir çox rayonlarımızda  fəaliyyət göstərən bütün təhsil müəssisələrində yeni dərs ilinə ciddi hazırlıq işləri görülür . Elə məktəblərimiz var ki, onlar yeni tədris ilinə hazırdır. Amma elə məktəblərimizdə var ki orda təmir işləri gedir. Bir sözlə bütün tədris ocaqları şagirdlərin və valideynlərin yolunu gözləyir. Bəs məktəb daxilində hansı işlər yerinə yetrilməlidir? 

Pedaqoji Şuraların iclaslarında  ötən dərs ilinin yekunları, əldə olunan nailiyyətlər təhlil edilməli Eyni zamanda, növbəti tədris ilində qarşıda duran vəzifələr, birinci sinfə qəbul, məktəbəhazırlıq qruplarının fəaliyyəti, təmayülləşmə, şagirdlərin oxu, yazı və riyazi bacarıqları səviyyəsinin öyrənilməsi, İKT bacarıqlarının və rəqəmsal düşüncə tərzinin hazırkı durumunun təhlil edilməsi, tədqiqatçılıq bacarığının formalaşdırılması ilə bağlı məktəblilərin araşdırma tələb edən layihələrə cəlb olunması istiqamətində tədbirlərin təşkili və digər mövzular ətrafında müzakirələr aparılır.

Şura iclaslarında müəllimlərə 2025-2026-cı dərs ilində Təhsil Nazirliyinin “Ümumi təhsil sahəsində məktəblərin fəaliyyət istiqamətləri barədə”  sisteminin daha da təkmilləşdirilməsi ilə bağlı tədbirlər haqqında” əmri ilə təsdiq olunmuş Fəaliyyət Planında müəyyən edilmiş hədəflərin yerinə yetirilməsi üzrə işlərin davam etdirilməsinə dair müvafiq tövsiyə və tapşırıqlar verilir və həyata keçirilir.

Bütün bunlarla yanaşı, ümumi təhsilin keyfiyyətinin müasir çağırışlara uyğunlaşdırılması, xüsusilə də inteqrasiya meyillərinin getdikcə gücləndiyi indiki dövrdə uşaq və gənclərin vətənpərvərlik, milli-mənəvi dəyərlərə sadiqlik ruhunda tərbiyə edilməsi ilə bağlı təhsil orqanları, məktəblərin pedaqoji kollektivləri qarşısında daha ciddi vəzifələrin durduğu və onların reallaşdırılması üçün təsirli tədbirlərin görülməsinin vacibliyi qeyd olunur.

Ümumilikdə Pedaqoji Şuraların iclaslarında təqaüdə çıxan müəllimlər təntənəli şəkildə yola salınır, gənc müəllimlər məktəb kollektivinə təqdim edilir.

Valideynlərlə keçirilən görüşlərdə qazanılan uğurlardan, məktəblilərin hərtərəfli inkişafı üçün ümumi təhsil müəssisələrində yaradılan şəraitdən, müəllim-şagird-valideyn münasibətlərinin daha sağlam ruhda qurulması məsələlərindən bəhs olunur.

Bütün hallarda isə millət vəkilinin qeyd etdiyi kimi bu faktorlar mütləq direktorda olmalıdır.“Bir məktəbə direktor təyin etməzdən öncə onun əvvəlki işi, fəaliyyəti dəqiqliklə araşdırılmalı, yoxlanılmalıdır. Təyinat zamanı tapşırıqlar, kiminsə qohumluğu, kiminsə yaxınlığı nəzərə alınmamalıdır. Direktorların işə qəbulu prosesi tam şəffaf və obyektiv həyata keçirilməlidir. Belə olsa, neqativ hallara da rast gəlinməz”. 

 Bir sözlə , 15 sentyabr –“Bilik günü”  məktəblərimiz  yeni tədris  ilinə  uğurla başlamaq  üçün hazırlaşır !