Bahalı universitetlər bunlardır - Ətraflı
Ölkənin bir çox ali təhsil müəssisələrində illik təhsil haqları yüksəkdir. AzTehsil.com xəbər verir ki, illik təhsil haqqının ən yüksək olduğu universitetlərin siyahısına ADA liderlik edir. Burada ixtisasların təhsil haqqı 6000-8000 manat arasında dəyişir.
Azərbaycan Tibb Universitetində ixtisasların illik təhsil haqqı 5000-6500 manat arasındadır.
Xəzər Universitetində bütün ixtisasların illik təhsil haqqı 4000-5000 manat aralığındadır.
Qərbi Kaspi Universitetində bəzi ixtisaslarda təhsil haqqının 4000 manat olduğu görünür.
Bakı Ali Neft Məktəbində "Biznesin idarə edilməsi" və "Maliyyə" ixtisaslarında illik təhsil haqqı 4500 manatdır.
Bakı Dövlət Universitetinin "Hüquqşünaslıq" ixtisası da təhsil haqqı yüksək olan ixtisaslardandır. Burada illik təhsil haqqı 4500 manatdır.
Bakı Musiqi Akademiyası da illik təhsil haqqıları yüksək olan ali təhsil müəssisələrindəndir. Burada əksər ixtisasların illik təhsil haqqı 4000 manat təşkil edir.
Azərbaycan Milli Konservatoriyada isə iki ixtisasın illik təhsil haqqı 4000 manatdır. Bunlar "Vokal sənəti" və "Populyar musiqi və caz ifaçılığı" ixtisaslarıdır.
