Qarabağ Universiteti 2025-ci il Enactus Azərbaycan milli yarışının qalibidir !
2025-ci il Enactus Azərbaycan milli yarışının qalibidir !
Möhtəşəm xəbər !
Qarabağ Universiteti 2025-ci il Enactus Azərbaycan milli yarışının qalibidir!
AzTehsil.com xəbər verir ki, Avqustun 15-də Gənclər və İdman Nazirliyi, Gənclər Fondu, Azərbaycan Tələbə Gənclər Təşkilatları İttifaqı və “Enactus Azərbaycan”ın birgə tərəfdaşlığı ilə keçirilən 2025-ci il Enactus Azərbaycan Milli Yarışı uğurla yekunlaşıb. Ənənəvi olaraq keçirilən nüfuzlu yarışda Qarabağ Universiteti ilk dəfə təmsil olunub.
Qarabağ Universitetinın Enactus komandası cari ilin sentyabrında Tailand Krallığında keçiriləcək 2025-ci il Enactus Dünya Kubokunda ölkəmizi təmsil edəcək.
Qalib tələbələrimizi Qarabağ Universiteti ailəsinin bütün üzvləri adından təbrik edir, Universitetimizi yarışda yüksək səviyyədə təmsil edən tələbələrimizə və komandanı yarışa hazırlayan əməkdaşlarımıza təşəkkürümüzü bildiririk.
Qeyd edək ki, yarış Azərbaycan Respublikasının Gənclər və İdman Nazirliyi, Gənclər Fondu, Azərbaycan Tələbə Gənclər Təşkilatları İttifaqı və “Enactus Azərbaycan”ın birgə tərəfdaşlığı ilə keçirilib.Enactus gələcək nəsil təşəbbüskar liderləri və sosial yenilikçiləri yetişdirərək daha yaxşı bir dünya yaratmağa hədəflənmiş dünyanın ən böyük təcrübə və öyrənmə platformasıdır. Bu məqsədlə Enactus gənclərə nəzəri biliklərini praktikada tətbiq etməyə, biznes, təhsil və sosial layihələrini həyata keçirməyə şərait yaradır və azad sahibkarlığı təbliğ edir. Enactus Proqramı 1975-ci ildə ABŞ-da yaradılıb. Ölkəmizdə proqramı Gənclər və İdman Nazirliyinin, Gənclər Fondunun dəstəyi ilə Azərbaycan Tələbə Gənclər Təşkilatları İttifaqı təmsil edir.
Təşkilatçılara təşəkkürümüzü bildiririk.
24 universitet komandasının qatıldığı yarışın yarımfinal mərhələsinə 12, final mərhələsinə isə 6 komanda yüksəlib.
Yüksək akademik biliklərə, peşəkar bacarıqlara, müasir dünyagörüşünə və innovativ düşüncə tərzinə malik tələbələrimizlə qürur duyuruq!
Qarabağ Universiteti ailəsinin üzvü olmaq sonsuz fəxarətdir!
