Yüksək nəticə göstərən abituriyentlər...- ƏTRAFLI
-Yüksək nəticə göstərən abituriyentlərin universitet və ixtisas seçimləri bəlli olub.Hər il olduğu kimi, yüksək nəticə göstərən abituriyentlərin ixtisas və universitet seçimi bu il də diqqət mərkəzindədir. Ən yüksək bal toplayanların üstünlük verdiyi ali məktəblər və ixtisaslar ictimaiyyət tərəfindən maraqla izlənilir. AzTehsil.com xəbər verir ki, bu il qəbul imtahanlarında yüksək bal toplayanlar seçimləri ilə bağlı fikirlərini "Teleqraf"a bölüşüblər.IV ixtisas qrupu üzrə 700 bal toplayan Orxan Abdulsəmədli Azərbaycan Tibb Universitetini (ATU) seçəcəyini deyib. O, Şəki rayonunun Orta Zəyzid kəndində yerləşən Asim Kamil oğlu adına 1 nömrəli tam orta məktəbin məzunudur.IV qrup üzrə yüksək nəticə göstərən daha bir abituriyent, Bakı şəhəri 129 nömrəli orta məktəbin məzunu Anar Babayev də ATU-nun Tibb ixtisasını seçəcək. O, imtahanda 695 bal toplayıb.Qax rayonundakı 2 nömrəli şəhər tam orta məktəbinin məzunu Çiçək Hümmətli III ixtisas qrupu üzrə 697 bal toplayıb. Onun seçimi Bakı Dövlət Universitetinin Hüquqşünaslıq fakültəsidir.II ixtisas qrupu üzrə 680 bal toplayan Bakı Türk Liseyinin məzunu Xədicə İsmayılzadənin seçimi Azərbaycan Dövlət İqtisad Universitetidir (UNEC).II qrup üzrə 677 bal toplayan Bakı şəhəri 83 nömrəli məktəb-liseyin məzunu Nilufər Zeynallı da UNEC-i seçəcəyini deyib. Onun sözlərinə görə, seçim ingilis dilində tədris olunan Maliyyə ixtisası olacaq, lakin hələ son qərarını verməyib.I ixtisas qrupu üzrə 675 bal toplayan Nizami rayonu 70 nömrəli məktəbin məzunu Zəhra Məmmədzadə Bakı Ali Neft Məktəbinin "Kompüter elmləri" ixtisasını seçmək niyyətindədir.I ixtisas qrupu üzrə yüksək nəticə göstərən digər abituriyentlər də Bakı Ali Neft Məktəbinə üstünlük verirlər. Belə ki, 698 bal toplayan Müşfiq Əlili bu universitetin "İnformasiya təhlükəsizliyi" ixtisasını seçəcəyini deyib.683.7 bal toplamış İslam Fərəcov isə Kimya mühəndisliyi üzrə təhsil almağı planlaşdırır.
