Məktəb direktorları vakansiyaları necə gizlədir? – ARAŞDIRMA

Müsabiqə iştirakçıları məktəblərdə vakant yerlərin gizlədildiyini, direktor tərəfindən satıldığını iddia edirlər.Çünki verilmiş vakant yerlər çox azdır. Vakant yerlər direktorlar və ya rayon təhsil şöbələri tərəfindən gizlədilir. Bizim haqqımız olan yerlərə savadsız, işini, ixtisasını bilməyənlər işə götürülür. Biz Təhsil Nazirliyindən xahiş edirik ki, vakant yerlərin gizlədilməsini aşkar etsinlər və həmin yerləri “vakant yer seçimi”nə buraxsınlar. İmtahanda 70-80% nəticə göstərən müəllimlərin işsiz qalması və bunun əvəzində savadsız, imtahan verməyən kadrların hansısa yolla işə qəbul olunması nə dərəcədə doğru addımdır?! Ümid edirik, təhsilin, millətin gələcəyini düşünən bir şəxs kimi bizim şikayətlərimizi qəbul edər və müəyyən tədbirlər görərsiz. Direktorlar vakansiyaları sektor müdirlərinin vasitəsilə gizlədir. Dərslərin vakanta çıxmaması üçün bir neçə ay öncə onlar, əvəzçiliklə dərs deyən, müəllimlərdən şirinlik adı altında rüşvət alırlar .

AzTehsil.com- n araşdırdığı məlumatlara görə bu hallar direktor vasitəsilə Regional Təhsil İdarələrinin tabeliyində olan, sektor idarələrinin  müdirləri tərəfindən təşkil olunur. Bu cür hallar ən çox rayon və kənd məktəblərində baş verir.

Elektron sistemdə yalnız vakant yerlər haqqında deyil, həm də məktəblərdəki pedaqoji heyətin ümumi dərs yükü, məktəbdəki müəllimlərin sayı, onlara nə qədər dərs saatının verilməsi barədə bütün məlumatlar yer almalıdır ki, bu zaman vakant yerlər daha dəqiq müəyyənləşə bilər. Hesab etmək olar ki, bu halların baş verməməsi üçün və ya MİQ imtahanının və yerləşmənin, Təhsil Nazirliyi tərəfindən bu cür hallara son qoymaq üçün xüsusi nəzarət palatası yaratması və ora vətəndaşların narazılığını aradan qaldırılması üçün etibarlı mənbə yaratmalıdır. O zaman bütün problemləri həll edilə bilər.