İsmayıllıda bu peşəyə yenidən ehtiyac var
Yaxın zamanda yeni ixtisas təsnifatı hazırlanacaq və əmək bazarında qarşılığı olmayan və istifadədən çıxmış peşələr həmin siyahıdan tamamilə çıxarılacaq.
AzTehsil.com xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov bu gün keçirilən brifinqdə deyib.
O bildirib ki, məqsəd daha çevik, tələbat yönümlü və effektiv peşə təhsili sisteminin qurulmasıdır: “Aparılan təhlillər nəticəsində texnologiya və innovasiyaların inkişafı fonunda sənətkarlıq yönümlü bəzi ixtisaslara maraq və ehtiyacın azalması onların tədrisindən imtina edilməsinə səbəb olub. Hazırda peşə təhsili sistemində 900-ə yaxın ixtisas mövcuddur. Bu il İsmayıllı rayonunda misgərlik ixtisasına yenidən ehtiyac olduğu müəyyən edilib: “İşəgötürənlərlə aparılan müzakirələr əsasında bu ixtisasın bərpası və yeni müəssisənin açılması planlaşdırılır”.
