Bu abituriyentlərin imtahan nəticələri ləğv EDİLƏCƏK
AzTehsil.com xəbər verir ki, Dövlət İmtahan Mərkəzi tərəfindən bu gün ali təhsil müəssisələrinin bakalavriat səviyyəsinə qəbul üçün I, IV ixtisas qrupları, eləcə də III ixtisas qrupunun hər iki alt qrupunu seçən abituriyentlər üçün TC altqrupunun coğrafiya fanni üzrə II cəhd blok imtahanı keçirildi. İmtahan üçün nəzərdə tutulan rəsmi vaxt başa çatıb.
Qeyd edək ki, imtahanda 34228 abituriyentin iştirakı gözlənilirdi. Onlardan bir neçəsi imtahana gəlməyib. Bəzi abituriyentlər isə dəfələrlə xəbərdarlıq olunmasına baxmayaraq, şəxsiyyət vəsiqəsini, imtahana buraxılış vərəqini gətirməyi unudub. İmtahan qaydalarına zidd olaraq ağıllı telefon və digər qadağan olunan əşyaları gətirənlərə də hər zamanki kimi bu imtahanda da təəssüf ki, rast gəlinib. Xatırladaq ki, bu kimi hallara yol verən abituriyentlərin imtahan nəticələri ləğv olunacaq.
