İmtahanda 4000-dən artıq müəllim iştirak edir
“Təhsilverənlərin sertifikatlaşdırılması prosesinin artıq ikinci günüdür. Bu gün coğrafiya və ibtidai sinif müəllimlərinin sertifikatlaşdırma imtahanları həyata keçirilir. Ötən gün prosesi 95% davamiyyətlə başa vurmuşuq”.
Nurlan İsmayılbəyli: Bu gün imtahanda 97% davamiyyət qeydə alınıb.
Bunu Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli jurnalistlərə açıqlamasında bildirib.
O qeyd edib ki, bu gün ölkə üzrə 17 şəhərdə 24 imtahan mərkəzində imtahanlar təşkil olunub:
AzTehsil.com xəbər verir ki, “İlkin məlumatlara əsasən, 4000-dən artıq müəllim bu prosesdə iştirak edir və təxminən 97% davamiyyət qeydə alınıb. Prosesin aktiv və nizamlı şəkildə başladığını müşahidə edirik. Müəllimlər bu prosesə yüksək motivasiya ilə qoşulublar”.
