Bu məktəblərə direktor təyin edilib
Naxçıvan Muxtar Respublikası Təhsil Nazirliyi tərəfindən Elm və Təhsil Nazirliyi ilə birgə ölkə üzrə mərkəzləşmiş qaydalara uyğun olaraq keçirilən Nazirliyin əhatə etdiyi şagird sayı 500-dən çox olan ümumi təhsil müəssisələrində vakant olan direktor və məktəbəqədər təhsil müəssisələrində vakant olan müdir vəzifələrinə işə qəbul üzrə müsabiqədən müvəffəqiyyətlə keçən namizədlər yeni vəzifələrə təyin olunublar.
AzTehsil.com xəbər verir ki, Seymur Qurban oğlu Xudanov Naxçıvan şəhər 5, Fərqanə Qərib qızı Əliyeva Naxçıvan şəhər 11 nömrəli tam orta məktəblərə, Musa Sahib oğlu Ağayev isə Babək Rayon Nehrəm qəsəbə 1 nömrəli tam orta məktəbə direktor vəzifəsinə təyin olunublar.
Həmçinin, Güllü Səyahət qızı Qələndərova Naxçıvan Şəhər 4, Ləman Ramazan qızı Əsgərli Naxçıvan şəhər 5, Esmira Fuad qızı Məmmədova isə Naxçıvan şəhər 15 nömrəli körpələr evi-uşaq bağçasına müdir vəzifəsinə təyin olunublar.
