Sinif jurnalının yazılması - QAYDA

Sinif jurnalının yazılması ilə bağlı təlimat

AzTehsil.com təqdim edir.

1. Sinif jurnalı dövlət uçot sənədi hesab olunur və təsdiq olunmuş tədris planında nəzərdə tutulan ümumi təhsil fənlərini tədris edən pedoqoji işçilər tərəfindən aparılır.

2. Tədris dilindən asılı olmayaraq, ümumi təhsil məktəblərində sinif jurnalının bütün səhifələrində şagirdlərim adlı siyahısı və şagirdlərə dair məlumatlar dövlət dilində -Azərbaycan dilində yazılır.

3. Sinif jurnalının fənlərə aid səhifələrində ( "Azərbaycan dili-dövət dili kimi –fənni istisna olmaqla ) tədris olunan mövzular və ev tapşırıqları tədris dilində yazılır.

4. Bütün ümumi təhsil məktəblərində xarici dili fənni üzrə mövzular həmin xarici dildə ,mövzuya aid qeydlər,habelə ev tapşırıqları isə tədris dilində yazılır.

5. Dərs cədvəli , "sinif təşkilatı saatlarının uçotu” və "sinif jurnalının aparılmasına dair qeydlər” səhifələri dövlət dilində- Azərbaycan dilində və ya tədris dilində yazıla bilər.

6. Sinif jurnalı 1 dərs ili üçün nəzərdə tutulur.Paralel siniflərin jurnalları hərflərlə fərqləndirilir.( VIa ,VIb və s.)

7. Tədris dilindən asılı olmayaraq sinif jurnalında dərsdə iştirak etməyən şagirdlərin adının qarşısında "q” hərfi yazılır.

8. Sinif jurnalında tədris edilən hər fənnə ayrıca səhifə ( səhifələr ) ayrılır. Səhifələrin sayı təlim- tərbiyə işləri üzrə direktor müavini tərəfindən tədris planında fənn üçün ayrılan həftəlik dərs saatlarıənın miqdarına uyğun olaraq müəyyənləşdirilir. Bu zaman bəzi fənlərin tədrisində sinifin 2 qrupa bölünməsi nəzərə alınır.

9. Sinif jurnalının bütün fənləri və müvafiq məlumatları əhatə edən səhifələrində şagirdlərin adla siyahısı əlifba sırası ilə sinif rəhbəri tərəfindən yazılır.

10.Sinif jurnalında şagirdlərin adı, soyadı,dərslərin keçirildiyi tarix,fənn müəllimlərinin soyadı və adı, tədris olunan mövzular,reallaşdırılan məzmun standartlarının nömrəsi ( nömrələri), və ev tapşırıqları həmçinin fənlər üzrə tədris olunan saatların miqdarı yazılır.

11. ” Qiymətləndirmələr” səhifəsində kiçik və böyük summativ qiymətləndirmənin nəticələri,şagirdlərin yarım illik ,illik qiymətləri qeyd edilir. 1 –ci sütunda bal,2 c-i sütunda isə ona ekvivalent qiymət yazılır.

12.Sinif jurnalının "şagirdlər haqqında ümumi məlumat” , "şagirdlərin nəaliyyətləri haqqında məlumat”, "şagirdlər tərəfindən buraxılmış gün və saatların miqdarı haqqında məlumat ” , "sinif təşkilat saatlarının uçotu ”, səhifələri sinif rəhbəri, "şagidlərin sağlamlıq vəziyyəti haqqında məlumat” səhifəsi məktəbin məktəbin həkimi ( həkim olmadıqda isə sinif rəhbəri ), "şagirdlərin fiziki hazırlığının göstəriciləri” səhifəsi isə fiziki tərbiyə müəllimi tərəfindən doldurulur.

13. "Şagirdlər haqqında ümumi məlumat” səhifəsi onların şəxsi işləri "şagirdlərin sağlamlıq vəziyyəti haqqında məlumat " səhifəsi isə ərazi üzrə müvafiq səhiyyə qurumu tərəfindən aparılan müayinənin nəticələrinəı aid rəsmi arayış əsasında yazılır.

14. Məktəbin direktoru və təlim -tərbiyə işləri üzrə direktor müavini dərs ili ərzində davamlı surətdə fənn müəllimləri tərəfindən sinif jurnalının aparılması vəziyyətini yoxlayır və nəticəsindən asılı olaraq tövsiyyə və təkliflərini " sinif jurnalınınm aparılmasına dair qeydlər” səhifəsində qeyd edirlər.

15.Sinif jurnalının səhifələri mavi(göy),rəngli diyircəkli qələmlə səliqəli ,oxunaqlı və aydın xətlə yazılmalı , qiymət düzəlişinə pozuntulara səhifələrin dəyişdirilməsinə yol verilməməlidir.

16.Məktəbin direktoru, təlim –təbiyə işləri üzrə direltor müavini, sinif rəhbəri və müəllimlər sinif jurnalını müəyyən edilmiş qaydalara uyğun aparılması üçün məsuliyyyət daşıyırlar

17. Sinif jurnalının təhlükəsiz saxlanılması və kənar müdaxiləllərdən mühafizə olunması bilavasitə məktəbin direktoru və təlim – tərbiyə işləri üzrə direktor müavini tərəfindən təmin edilir.

18. Sinif jurnalı şagirdlər məktəbi bitirdikdən sonra 5 ( beş) il məktəbdə saxlanılır. Həmin müddət başa çatdıqda jurnalın "şagirdlərin nəaliyyətləri haqqında məlumat” səhifəsi çıxarılıb məktəbdə ən azı 25 il saxlanılır.