Azərbaycanlı tələbə erməniləri arxada qoyaraq birinci oldu - FOTO
ADA Universitetinin tələbəsi İbrahim Tağızadə Gürcüstanın Kutaisi şəhərində keçirilən informatika üzrə Cənubi Qafqaz Açıq Çempionatının fərdi mərhələsində bütün rəqiblərini üstələyərək birincilik əldə edib.
Məlumata görə, ilk onluqda daha iki azərbaycanlı tələbə yer alıb. Onlar Bakı Ali Neft Məktəbinin tələbəsi Emin Orucov və ADA Universitetinin tələbəsi Emil İnoçkindir. Tələbələr müvafiq olaraq 6-cı və 7-ci yerləri tutublar.
Qeyd edək ki, 11-16 dekabr 2023-cü il tarixlərində Gürcüstanın Kutaisi şəhərində keçirilən “48-ci ICPC - Universitet Tələbələrinin Beynəlxalq Proqramlaşdırma” müsabiqəsinin yarımfinal mərhələsində və “Cənubi Qafqaz Açıq Çempionatı”nda Azərbaycanı ümumilikdə 15 ali təhsil müəssisəsindən 20 komanda (hər komandada 3 tələbə və komanda rəhbəri) təmsil edib.
Komandalara 5 saat ərzində 12 alqoritmik məsələni “C”, “C++”, “Java” və ya “Python” proqramlaşdırma dillərində həll etmək tapşırığı verilib.
Fərdi yarışlarda isə 4 saat ərzində 10 alqoritmik məsələnin həlli istənilib.
Qeyd edək ki, bu, İbrahim Tağızadənin ilk uğuru deyil: o, Respublikamızda Riyaziyyat üzrə Fənn müsabiqəsinin (2016) qalibi, “European Junior Olympiad in Informatics” (EJOI, 2018) bürünc mükafatçısı, “International Olympiad of Informatics”in (IOM, 2018) bürünc mükafatçısı, (İnformatika üzrə) Cənubi Qafqaz açıq birinciliyində 3-cü yerin sahibi, İnformatika üzrə Respublika Fənn Olimpiadasının (2018, 2019) gümüş mükafatçısı, İnformatika üzrə Respublika Fənn Olimpiadasının (2020) qızıl mükafatçısı, ACM ICPC ¼ (Regional, Azerbaijan) qalibi olub. İbrahim Tağızadə, həmçinin beynəlxalq yarışlarda iştirak edən və ölkəmizə medallarla qayıdan məktəblilərin lideri və debüt lideri seçilib.
Azərbaycan ali təhsil müəssisələri 2005-ci ildən etibarən “ICPC - Universitet Tələbələrinin Beynəlxalq Proqramlaşdırma” müsabiqəsində iştirak edir.
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
İbrahim Cəfərov ilin ən yaxşı rektoru adını alıb-MÜSAHİBƏ
Ali məktəb tələbələri, informatika müəllimləri, orta məktəb şagirdləri üçün gərəkli vəsait PYTHON
Dünya məktəbliləri Bakıda yarışır
Bakı təhsili: təqvim ilinin təhsil mənzərəsi
Paytaxt təhsili 2021-ci təqvim ilində
Cüdo idman növü üzrə birincilik keçirilib
XTQ-nin igid əsgəri, xalqımızın şəhid oğlu Cahid Tağızadə - FOTOLAR
Məktəbli ixtiraçılar
Respublika fənn olimpiadalarının yarımfinal turu keçirilib
Məhəmməd Əmin Rəsulzadənin doğum günüdür
Məktəb laborantının vəzifə təlimatı
Gəncədə Respublika fənn olimpiadalarının Respublika mərhələsinin yarımfinal turu həyata keçirilib
Təhsil Nazirliyi: 2020-ci təqvim ili rəqəmlərdə
Cənubi Koreya təhsil sisteminin 18 xüsusiyyəti
Ümumtəhsil məktəbinin Nümunəvi Nizamnaməsi
Qərb Universiteti idman klubu ölkə cempionatının qaliblərindən oldu
Tələbələr arasında informatika üzrə Ümumrespublika Olimpiadasının qalibləri müəyyənləşib (FOTO)
ADA Məktəbinin təqdimatı olub
2022-ci təqvim ili rəqəmlərdə
Ümumtəhsil məktəbinin Nümunəvi Nizamnaməsi
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Birincilərin birincisi
“Ali məktəb tələbələri arasında informatika üzrə Ümumrespublika Olimpiadası”na start verilib