Enerji diplomatiyamız nə qədər uğurlu olarsa, ölkəmizin maraqları bir o qədər də daha güclü şəkildə təmin ediləcək.
Tarixdə ilk dəfədir ki, Münxen Təhlükəsizlik Konfransı vasitəsiləAzərbaycanın, Ermənistanın və Gürcüstanın rəhbərləri eyni zamanda bir platformada görüşürlər. Qafqaz həmişə Avropa üçün bir sirr dünyası olub.
Zəngin təbiəti, sərvəti, təbii ehtiyatlar, yaşıyan kiçik gruplarla az saylı xalqlar. Tarixən salınan “İpək yolu” indi demək olar artıq bir başqa mövqe ilə özünü əks etdirir “Enerji təhlükəsizlik sərvət yolu”. Biz informasiya dünyası dövründə yaşayırıq. Hər kəs yaxşı bilir harada nə baş verir. Ona görə qeyri-ciddi və manipulyativ mahiyyət daşıyan açıqlamalar, əlbəttə ki, ciddi qəbul edilmir.
Azərbaycan istehsal etdiyi yaşıl enerjinin daxili istehlakla yanaşı, Avropaya ixrac edilməsində uzunmüddətli Avropanın enerji təhlükəsizliyinə töhfə olacaq. Mərkəzi Asiyadan daşınan yüklərin Azərbaycan vasitəsi ilə Avropaya yönəldilməsi əlavə imkan yaradır. 44 gün çəkmiş müharibə iki ildən bir az çox əvvəl baş vermişdir. Biz müharibənin nə olduğunu bilirik. Onun xalqlar üçün nə dərəcədə dağıntılar və əziyyətlər gətirdiyini bilirik. İlham Əliyevin elə son çıxışları dünya miqyaslı konfransda dünya ölkələrinə bir çağırışdı:-Dağlıq Qarabağ sözü artıq qüvvədən düşüb. Azərbaycanda Dağlıq Qarabağ kimi inzibati vahid yoxdur. Azərbaycanın suverenliyinə və Konstitusiyasına hörmət edilməlidir. Azərbaycanda erməni əhalinin olduğu Qarabağ rayonu var. Hazırda Azərbaycan ilə Ermənistan arasında sülh sazişi üzərində çalışırıq və düşmənçilik səhifəsinin bağlanmasına yaxşı nümunə olarıq.
Laçın dəhlizi yetmiş gündür ki bağlıdır. Qarabağda hümanitar böhran baş verir. Enerji böhranıda baş verir, çünki Dağlıq Qarabağda elektrik enerjisinin təchizatı kəsilib. Qaz təchizatı da kəsilib. Qarabağ erməniləri Azərbaycan vətəndaşlarıdır, azlıqlardır. Azərbaycan çoxmillətli ölkədir və Azərbaycanda bütün azlıqlar mədəniyyət, dil, həmçinin təhlükəsizlik də daxil olmaqla, eyni hüquq və üstünlüklərdən faydalanırlar.
Dekabrın 12-dən bizim vətəndaş cəmiyyəti fəallarımız keçid məntəqəsinə gələndən indiyədək 2500-dən çox nəqliyyat vasitəsi, o cümlədən Rusiya sülhməramlılarının və Qırmızı Xaçın təmsilçilərinin yük avtomobilləri keçib. Qarabağdan 100 pasiyent müalicə üçün Qırmızı Xaç tərəfindən Ermənistana aparılıb. Əgər Qarabağdakı ermənilər bu yoldan istifadə etməyə çalışsalar, onları heç kim dayandırmayıb. Bu bir sülh qapısının yoludur.
Münxen Təhlükəsizlik Konfransı tarixi bir görüşdür,tarixdə ilk dəfədir ki, üç ölkənin rəhbərləri görüşür. Dünya miqyasında bu konfrans Rusiya Ukraynaya müdaxiləsindən sonra bir il sonra baş tutub, həmən mövzu bu konfransdada əsas olaraq qalıb. Baxmayaraq ki ölkələr bir başa iştrak etmir amma Rusiyanın qonşularıdır. Hər üç ölkənin konfransda çıxışı dinlənilib və heç bir ölkə müharibənin davamlı olmagının tərəfində deyil. Hər bir ölkənin məqsədi bu müharibəni dayandırmaqdan ibarətdir-Avrasiyada sülh bərqərar olunsun.
Enerji diplomatiyamız nə qədər uğurlu olarsa, ölkəmizin maraqları bir o qədər də daha güclü şəkildə təmin ediləcək. Enerji təhlükəsizliyi məsələləri beynəlxalq təşkilatlar tərəfindən müzakirə olunan gündəliyin ön sıralarındadır. Azərbaycan yeni mənbənin sahibi kimi və Avropanın enerji təhlükəsizliyi üçün bir çox işlər görən ölkə kimi böyük hörmətlə qarşılanır. Mərkəzi Asiyadan daşınan yüklərin Azərbaycan vasitəsi ilə Avropaya yönəldilməsi əlavə imkanlar açır.
İlham Əliyev peşəkar siyasətçi kimi dünya miqyasında böyük hörmət və nüfuz qazanmışdır. Azərbaycan və Ermənistan uzun müddət çəkmiş toqquşmadan uzaqlaşmanı nümayiş etdirməli, qarşılıqlı ədavət və düşmənçiliyə son qoymalıdır. Hazırda sülh sazişinə ölkələr birlikdə gəlməlidir.
Əhmədova Ellada,
Xəzər rayonu, 230 saylı məktəbin müəllimi
