Direktorlar üçün təşkil olunan maarifləndirici görüşlər başa çatıb

Paytaxtdakı məktəblərin direktorları üçün “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın icrası ilə bağlı keçirilən maarifləndirici görüşlər başa çatıb.

Paytaxtın Sabunçu, Xəzər və Pirallahı rayonlarını əhatə edən sonuncu görüşdə BŞTİ-nin Daxili nəzarət sektorunun müdiri vəzifəsini müvəqqəti icra edən Aydın Rəhimov, Keyfiyyətə nəzarət sektorunun müdiri Anar Mustafazadə, İctimaiyyətlə əlaqələr sektorunun müdiri Bəşarət Məmmədov və məktəb direktorları iştirak ediblər.

Tədbir Dövlət Himninin səsləndirilməsi ilə başlayıb.

Çıxış edənlər paytaxtdakı təhsil müəssisələrinin rəhbərləri ilə məktəblərdə neqativ halların qarşısının alınması istiqamətində mütəmadi olaraq profilaktik söhbətlər aparıldığını və təlimatlandırıcı tövsiyələr verildiyini bildiriblər. Korrupsiya riskləri ilə əlaqədar ümumi təhsil müəssisələrində aparılmış araşdırmalar nəticəsində aşkar olunmuş halların aradan qaldırılması istiqamətində aidiyyəti struktur bölmələr tərəfindən müəssisə rəhbərlərinə müvafiq tapşırıqlar verilib.

Təhsil sahəsində göstərilən elektron xidmətlərin əhatə dairəsinin kifayət qədər genişləndirilməsi və bu prosesin səmərəli şəkildə davam etdirilməsi nəticəsində şəffaflığın təmin olunması barədə məlumatlar konkret faktlar əsasında məktəb rəhbərlərinin diqqətinə çatdırılıb.

Görüşün sonunda müvafiq mövzular ətrafında müzakirələr aparılıb, iştirakçıları maraqlandıran suallar cavablandırılıb.

Qeyd edək ki, paytaxtın 12 inzibati rayonu üzrə keçirilən görüşlərin əsas məqsədi Elm və Təhsil Nazirliyinin 2022-ci il üzrə Tədbirlər Planının icrası çərçivəsində müvafiq qabaqlayıcı tədbirlərin görülməsi, korrupsiya risklərinin təhlili, müvafiq normativ-hüquqi sənədlərin tələblərinin bir daha diqqətə çatdırılması və bu baxımdan qarşıda duran məsələlərin müzakirəsindən ibarətdir.

Məqalə Göndər

Загрузка...

Həmçinin oxuyun:

Paytaxt təhsili 2021-ci təqvim ilində

Bakı təhsili: təqvim ilinin təhsil mənzərəsi

230 №-li tam orta məktəbdə Xəzər RPİ-nin birgə təşkilatçılığı ilə " Narkomaniya sosial bəladır " adlı maarifləndirici tədbir keçirilmişdir.

Valideynləri təhsil prosesinə cəlb etmək üçün intensiv işlər görülür

Bizi məharətli idarəçilik, birlik və həmrəylik xilas edir

Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib