Peşə Təhsil Mərkəzinin tələbələri təcrübi dərslərdə iştirak edirlər
Sumqayıt Kimya Sənaye Parkının nəzdində fəaliyyət göstərən Peşə Təhsil Mərkəzinin tələbələrinin tədris prosesində əldə etdikləri nəzəri biliklərin daha da möhkəmləndirilməsi üçün mütəmadi olaraq bir çox istehsal müəssisələrində təcrübə proqramları təşkil edilir.
Belə ki, Mərkəzin “Aqroservis mütəxəssisi” ixtisas qrupunun tələbələri “İMAGRO” MMC-də təşkil edilən təcrübi dərs proqramında iştirak edirlər.
Tələbələrin “Kənd təsərrüfatı maşınlarından istifadə”, “Traktor və digər mexaniki nəqliyyat vasitələrinin idarə olunması” sahəsində Peşə Təhsil Mərkəzində əldə etdikləri nəzəri biliklər “İMAGRO” MMC-də təşkil edilən təcrübi dərslər əsasında daha da təkmilləşdirilir.
Təcrübi dərslərdə tələbələrə kənd təsərrüfatında geniş istifadə olunan mexaniki maşınlar (traktor, kombayn və s.), onlardan istifadə qaydaları və qurğuları haqqında ətraflı məlumatlar verilir. Mexaniki maşınlar və onların qurğuları tələbələrə əyani şəkildə göstərilir və hər bir tələbə qurğuların nizamlanmasını (sökülüb-yığılmasını) fərdi qaydada yerinə yetirir.
Təcrübi dərslər tədris ilinin sonunadək mütəmadi qaydada həyata keçiriləcək.
