Xəbərlər / Müəllim
04 sentyabr 2021
1 472
Təhsilimizin bugünkü durumu "göz yaşı içində gülüş"ü xatırladır.
Sözüm Xalqı savadsızlıqda suçlayan intelligentlərədir.
Bu o müdrik Xalqdır ki, özü ehtiyac içində qıvrıla-qıvrıla, özünə korluq verərək, öz boğazından kəsərək ölkəmizin gələcəyinə -- fidan balaların təhsilinə son qəpiyini belə xərcləyir.
Tələbə adını qazananların uğuru məzunu olduğu məktəbin ayağına yazılsa da fakt faktlığında qalır. Hamı bilir ki, bu uğurlar xalqın cibindən çıxan pulların hesabına əldə edilir. Təhsilimizin bugünkü durumu "göz yaşı içində gülüş"ü xatırladır.
Nə yaxşı ki təhsilimizin üzünü ağ edən fədakar müəllimlərimiz, repetitorlarımız var.
Nə yaxşı ki övladlarının sabahını düşünən ailələr kifayət qədərdir.
Kənardan idxal olunan radikal dini cərəyanlar, qədimdənqalma cəhalət simptomları, süni müdaxilələr olmasa, normal təhsil və təhsil əlçatanlığı olsa, bu xalq bütün sahələrdə xariqələr yaradar.
Ali məktəblərə qəbul olmuş gənclərimizi, onların valideynlərini və müəllimləri təbrik edirəm.
Qəbul ola bilməyən abituriyentlərimizə isə növbəti qəbul imtahanlarında uğurlar arzulayıram.
Fizika qanunlarına görə dünyada enerji itmir, bir formadan başqa formaya keçir.
İnsanın çəkdiyi əziyyət də belədir. Heç vaxt itmir. Nə vaxtsa, haradasa öz bəhərini verir.
Şahlar Göytürk.
