DİM-dən abituriyentlər üçün güzəşt

Buraxılış (qəbul imtahanlarının birinci mərhələsi) imtahanlarında ali və ya orta ixtisas təhsili müəssisələrinə sənəd verən, lakin üzrlü səbəblərdən (temperatur, xəstəlik və s.) imtahanlarda iştirak edə bilməyənlər üçün də Dövlət İmtahan Mərkəzində (DİM) sağlam olduqları haqqında arayış təqdim etdikdən sonra növbəti imtahan günlərinin birində imtahan verməsi üçün şərait yaradılıb.

Mərkəzdən verilən məlumata görə, buraxılış (qəbul) imtahanları bir neçə dəfə (müxtəlif şəhər və rayonlar üzrə) keçirilib və ay yarımdan artıq davam edib.

Buna görə həmin şəxslərin də imtahan verməsi üçün imkan yaradılıb.

Son vaxtlar isə Dövlət İmtahan Mərkəzinə ali təhsil müəssisələrinə sənəd verən, lakin hər hansı əsaslı bir səbəb olmadan qəbul imtahanlarının birinci mərhələsində (cari ilin məzunları üçün buraxılış imtahanı) iştirak etməyən abituriyentlərin də imtahanların ikinci mərhələsinə buraxılmalarına icazə verilməsi ilə bağlı müraciətləri daxil olub.

COVID-19 infeksiyası ilə əlaqədar yaranan çətinliklər, xüsusi karantin rejimi, pandemiya şəraitinin məhdudiyyətləri və qeyd olunan müraciətlər nəzərə alınaraq Dövlət İmtahan Mərkəzi tərəfindən ali təhsil müəssisələrinə sənəd verən, lakin hər hansı bir səbəbdən qəbul imtahanlarının birinci mərhələsində (cari ilin məzunları üçün buraxılış imtahanı) iştirak etməyən bütün abituriyentlərin (1000-ə yaxın) imtahanların ikinci mərhələsinə buraxılmasına icazə verilib.

Həmin abituriyentlər seçdikləri ixtisas qrupuna uyğun şəhər və rayonun imtahan günündə – avqustun 13, 14, 20 və ya 21-də keçiriləcək qəbul imtahanlarının ikinci mərhələsində iştirak edə bilərlər.

Lakin bu abituriyentlər nəzərə almalıdırlar ki, onlar ali təhsil müəssisələrinə qəbul olmaq üçün keçirilən müsabiqədə qəbul imtahanlarının ikinci mərhələsindən topladıqları bal əsasında iştirak edəcəklər.

Qeyd edək ki, abituriyentlərin qəbul imtahanlarının ikinci mərhələsində maksimal olaraq 400 bal toplamaq imkanı var.

Məqalə Göndər

Загрузка...

Həmçinin oxuyun:

DİM buraxılış, qəbul və sınaq imtahanlarının tarixlərini ELAN ETDİ

Bu gün növbəti buraxılış imtahanları keçiriləcək

10 iyul tarixində əvvəlki illərin məzunları üçün ali və orta ixtisas təhsili müəssisələrinə qəbul imtahanı keçiriləcək

İmtahanlarla bağlı inqilabi qərarların verildiyi rekord nəticələr ili - Təkrarlanması çətin göstəricilər, rəqəmlər

Keçiriləcək imtahanların tarixləri haqqında məlumat

İyunun 30-da keçirilən imtahanların nəticələri elan olundu

DİM imtahanlarda iştirak edəcək şəxslərə müraciət edib

DİM: Qəbul imtahanlarının ikinci mərhələsi üçün 4 gün ayrılacaq

İyulun 23-24-də keçiriləcək buraxılış imtahanlarının qrafiki elan edildi

DİM abituriyentlərə MÜRACİƏT ETDİ

Koronavirusa yoluxduğuna görə imtahanda iştirak edə bilməyənlərin nəzərinə!

Aprelin 28-də keçiriləcək imtahanlarda iştirak edənlərin nəzərinə!

DİM 29-30 iyulda keçiriləcək qəbul imtahanlarının qrafikini elan etdi

Bəzi buraxılış imtahanları sentyabrda keçiriləcək – Mühüm yenilik

Dövlət İmtahan Mərkəzi tərəfindən ümumi (9 illik) və tam (11illik) orta təhsil səviyyəsi üzrə buraxılış (qəbul) imtahanlarının keçirilməsinə başlanılır