Xəbərlər / Psixoloq / Müəllim
29 mart 2020
1 914
Bəşəriyyətin bəlası, yoxsa... XİLASI?
Düşünürəm, bu karonavirus və pandemiya xofu deqradasiya etməkdə olan xəstə svilizasiyamızı qlobal çekap-müayinədən və insanlıq testindən keçirir.
Nəhayət ki, dünyanın qaçhaqaçı dayandı, küçələrdəki avtokallapslar bitdi, meqapolislərin hayküyü səngidi, fabrik və zavodlar durdu, ən başlıcası isə təkərdə fırlanan dələ kimi fırlanan, qaçan, dolaşan insan sakitləşib oturdu yerində.
Nəhayət ki, sərvətlərini vəhşicəsinə soyub-taladığımız, dürmadan zəhərlədiyimiz bu yazıq Planet bəlkə bir az rahat nəfəs alar bir- iki ay. Bilirsiniz, bu nə qədər önəmlidi həm məhv etməkdə olduğumuz dünyamız üçün, həm də çoxdan öz mahiyyətini itirmiş insanlıq üçün... Gün gələcək, əzizlərim, biz karonavirusu bəşəriyyətin bəlası yox, onun xilaskarı elan edəcəyik!
Biz insanlar hələ bundan sonra yaşamağın, həyatın keyfini çıxaracağıq. Ailəmizlə, övladlarımızla doyunca ünsiyyətdə olmaqla, özümüzlə baş-başa qalmaqla..
FAMİL SƏFƏROV
