Cəmiyyət / Bakalavr / Magistr / Xəbərlər
14 mart 2025
275
Latviyanın keçmiş baş nazir müavini ADA Universitetində mühazirə oxuyub
AzTehsil.com xəbər verir ki, Latviyanın keçmiş baş naziri, həmçinin daha əvvəl xarici işlər naziri və müdafiə nazirini tutmuş Artis Pabriks ADA Universitetində mühazirə oxuyub.
Bu barədə Latviyanın Azərbaycandakı səfirliyinin mətbuat xidməti bildirib.
“Martın 12-də Azərbaycanın Latviyadakı səfirliyinin ADA-nın İnkişaf və Diplomatiya İnstitutu ilə əməkdaşlıq çərçivəsində Latviyanın keçmiş baş naziri Dr. Artis Pabriks ilə mühazirə oxunub”, – diplomatik missiyanın sosial şəbəkə hesabında qeyd olunub.
Xatırladaq ki, latviyalı siyasətçi XII Qlobal Bakı Forumunda iştirak edir. O, açıqlamasında ölkəsinin Azərbaycanı Cənubi Qafqazda əsas tərəfdaş kimi gördüyünü söyləyib.
