QUBA-XAÇMAZ REGİONAL TƏHSİL İDARƏSİ açıqlama yayıb
AzTehsil.com xəbər verir ki, bu gün QUBA-XAÇMAZ REGİONAL TƏHSİL İDARƏSİ FB-səhifəsində açıqlama yayıb...
Təhsil müəssisələrində təlim-tədris prosesinin fasiləsizliyinin təmin edilməsi, eləcə də uşaqların sağlam və təhlükəsiz mühitdə təhsil alması prioritet istiqamətlərdəndir. Bu baxımdan, payız-qış mövsümündə təhsil müəssisələrinin istiliklə təchizatının təmin edilməsi xüsusi əhəmiyyət kəsb edir. İstilik təminatının plana və qanunvericiliyə uyğun müddətdə həyata keçirilməsi, uşaqların istiliklə təchiz edilmiş təhsil müəssisələrində təlim-tədrisə cəlb olunmaları və tədrisin fasiləsizliyinin təmin edilməsi məqsədi ilə aidiyyəti qurumlarla birgə hazırlıq işləri həyata keçirilib.
Qeyd edirik ki, Quba-Xaçmaz Regional Təhsil İdarəsinin tabeliyində fəaliyyət göstərən Xaçmaz rayonunun İstisu qəsəbə tam orta ümumtəhsil məktəbində istilik təminatında yaranmış problem aradan qaldırılmışdır.
Məktəbin qazla təminatında yaranan problemlərlə əlaqədar Quba-Xaçmaz Regional Təhsil İdarəsi tərəfindən müvəqqəti olaraq dizel yanacağı ilə təminat təşkil edilmiş və bu yanaşma ilə problem həll olunana qədər istilik təminatı təmin edilmişdir.
25 fevral 2025-ci il tarixindən etibarən məktəbin qazla təmin olunmasına başlanılıb
İdarə əməkdaşları tərəfindən məktəbdə görülən işlərə daimi nəzarət həyata keçirilir.
