Psixoloq
10 iyun 2016
38 217
Uşaqlar üçün-Nəzakət qaydaları
Nəzakətli sözlər
Mədəni insanlar görüşdükləri zaman bir-biri ilə salamlaşırlar. "Salam” söyləyərək biz bir-birmizə sağlamlıq və müvəffəqiyyət arzu edirik. Salamlaşarkən insanın üzünə baxıb gülümsəsən ona müsbət təsir bağışlayarsan.
İlk olaraq, həmişə kiçiklər (azyaşlılar) böyüklər ilə, əgər yaş fərqi azdırsa, o zaman kişilər qadınlar ilə,oğlanlar isə qızlar ilə salamlaşır. Yaşda böyüklər və xanımlar əlsıxma üçün əlini birinci uzatmalıdırlar.
Şəkilə bax, bu oğlanlar nə deyirlər?
"Zəhmət olmasa” və "Xahiş edirəm” sözləri çox vacibdir. Onlar sanki, sehrli açardır, istənilən qapını açırlar və insanlar böyük məmnuniyyətlə sənin xahişlərini yerinə yetirirlər.
Hansı hallarda "Zəhmət olmasa” sözünü işlədirsən?
Kimsə sənin üçün hər hansı bir yaxşılıq edibsə "Çox sağol” deməyi heç vaxt unutma!
Sənə kimin kömək etdiyi vacib deyil, fərqi yoxdur o insan doğma yaxud yaxşı tanımadığın bir insandır. Sən yaxşı işləri heç vaxt cavabsız qoyma.
Əgər sən səhv etmisənsə, yaxud da bilmədən kiməsə toxunmusansa (yolda gedərkən) mütləq üzr istə. Üzr istəmək çətin bir iş deyil və üzr istədiyin zaman insanlar xoşagəlməz əhvalatı tez bir zamanda unudacaq və sənə qarşı qəzəb saxlamayacaqlar.
Qızlar bir-birnə nə deyir?
Hər hansı bir yerdən çıxıb gedərkən, ordakı insanların hamısını tanıyıb-tanımadığından asılı olmayaraq hər kəslə ilə sağollaş.
Qonaqları yola salarkən isə "görüşənədək” yaxud da "yaxşı yol” deyə bilərsən.
