Müəllimlərin karyera inkişafında yeni yanaşmalar

Təhsil Nazirliyində son illərdə Rayon və ya Şəhər Təhsil Şöbələrinə müdir təyinatında çox müsbət bir yanaşma yaranıb.

Artıq bir müəllimin karyerasının ən yüksək pilləsi məktəb direktoru deyil ,idarəetmə iyearxiyası üzrə yuxarı vəzifələrə də təyini ilə bağlı şərait yaradılır.Belə ki ,R(Ş)TŞ müdirləri artıq aparıcı məktəb diektorları arasından seçilir.(Bir-ki rayon istisna olmaqla ).

Azərbaycan Respublikasının 24 oktyabr 2013-cü il tarixli Sərəncamı ilə təsdiq olunmuş Azərbaycan Respublikasında Təhsilin İnkişafı üzrə Dövlər Startegiyasının 2-ci istiqaməti üzrə (Təhsilalanların fərdi xüsusiyyətlərini nəzərə alan innovativ təlim metodları və texnologiyaları vasitəsilə təhsilin məzmununun səmərəli mənimsənilməsini təmin edən yüksək nüfuzlu təhsilverənin formalaşdırılması.) nəzərdə tutulmuş hədəf və tədbirlərdə göstərildiyi kimi ,müəllimin karyera inkişafı və fəaliyyətinin stimullaşdırılması üzrə yeni sistemin yaradılması( 2.3.2 ) ilə bağlı işlərin görüldüyü göz qabağındadır .

Lakin vəzifə funksiyalarını yerinə yetirən regionlarda fəaliyyət göstərən məktəb direktorlarının uzun müddət yerli icra hakimiyyətlərini tərəfindən müxtəlif neqativ əməllərə təhrik edildiyi hamıya məlumdur. Yeni təyin olunan R(Ş)TŞ müdirlərinin ( əvvəlki məktəb direktoru) yerli icra hakimiyyəti orqanları tərəfindən daha artıq bu kimi əməllərə bulaşmaması üçün təklif edərdim ki,təyinatı artıq qərara alınmış həmin məktəb direktorları 4-6 ay müddətində Təhsil Nazirliyinə işə dəvət olunsunlar.Bununla təyinat alacaq həmin direktorların (yeni R(Ş)TŞ müdirlərinin ) yerli icra hakimiyyəti orqanlarından asılılığına , əvvəlki kimi müxtəlif neqativ əməllərlə bağlı tapşırıqlarının müqavimətsiz yerinə yetirilməsinin qarşısını almış olacaq.

Yeni təyin olunan R(Ş)TŞ müdirləri nazirliyin nümayəndəsi kimi rayonda fəaliyyətə başlamış olacaqlar.Fəaliyyətlərini maksimim şəffav və nazirliyin tələblərinə uyğun olaraq qurmağa çalışacaqlar. Bildiyim qədər Rabitə və Texnalogiyalar Nazirliyində belə bir təcrübə var.

Eyni zamanda Azərbaycan Respublikasının Prezidentinin 6 iyun 2012 -ci il tarixli 648№-li Sərəncamı ilə təsdiq olunmuş "Yerli icra hakimiyyətləri haqqında Əsasnamə”yə Əvavənin 1-ci bəndinə yəni , yerli təhsil şöbələrinin rəhbərlərinin də Azərbaycan Respublikası Maliyyə Nazirliyinin, Kənd Təsərrüfatı Nazirliyinin, Ekologiya və Təbii Sərvətlər Nazirliyinin, Əmək və Əhalinin Sosial Müdafiəsi Nazirliyinin, Nəqliyyat, Rabitə və Yüksək Texnologiyalar Nazirliyinin və Dövlət Statistika Komitəsinin yerli bölmələrinin rəhbərlərininin təyinatında olduğu kimi yerli icra hakimiyyətinin başçısı ilə razılaşdırılmaqla mərkəzi icra orqanı olan Təhsil Nazirliyi tərəfindən vəzifəyə təyin və vəzifədən azad edilməsi ilə bağlı düzəliş edilməsi ilə üçün təkliflər hazırlanıb cənab Prezidentə təqdim etmək olar.

P,S.Tovuz Rayon Təhsil Şöbəsinə yeni təyinat alan rayonun Aşağı Quşçu kənd 1 saylı tam orta məktəbinin sabiq direktoru Elmira Mürşüdlünü təbrik edirəm .