Xəbərlər
06 aprel 2019
2 508
Ölən şagirdin anası: “Qızımın alçaldılmasını direktora desəm də, buna göz yumurdu”
Məktəbdə sinif yoldaşları və müəllimləri qızımı həmişə alçaldıblar”.
AzTehsil.com xəbər verir ki, bunu "Report”a açıqlamasında Bakıda özünü 162 saylı orta məktəbin 3-cü mərtəbəsindən atan və bu gün xəstəxanada dünyasını dəyişən Yelena Hacıyevanın anası Sevil Hüseynova deyib.
O bildirib ki, məktəbdə yuxarı sinif şagirdləri qızına əl də qaldırıblar: "Bütün bunlar bir il ərzində davam edib. Direktora dəfələrlə şikayət etməyimə baxmayaraq, göz yumurdu. Qızım da bütün bunlardan bezdi və özünü məktəbin pəncərəsindən aşağı ataraq intihar etdi. Xəstəxanaya yerləşdiriləndən mənə dedilər ki, qızının səhhəti yaxşıdır, məni onun yanına buraxmadılar. Bu gün də eşitdim ki, qızım dünyasını dəyişib”.
