Xəbərlər
06 aprel 2018
3 618
Şagirdin ölümü ilə bağlı direktordan açıqlama: “Gözümün qarşısında”
Xəbər verdiyimiz kimi, Şəmkirdə Çənlibel kənd məktəbində 6-cı sinif şagirdi Məhərrəmov Elgün Gündüz oğlu məktəbin həyətində yoldaşları ilə oynayarkən dünyasını dəyişib.
Aztehsil.com Unikal.org-a istinadən xəbər verir ki, Çənlibel kənd 1 saylı orta məktəbin direktoru Qoşqar Əliyev şagirdin ölüm faktını təsdiqləyib:
Uşaq mənim gözümün qarşısında xırıldayıb, nəfəs alırdı. 3-cü dərsdən sonra şagird çölə çıxmışdı. Mən də həyətdə növbətçi ilə söhbət edirdim. Xəbər verdilər ki, "şagirdlərdən birinin dili qaçıb, həkimə xəbər vermək lazımdı”. Mən təcili həkimə zəng edib, kömək istədim. Uşağı kolidora gətirib, dilini tutdular. Gördük ki, səhhətindəki problem başqadır. Həkim ilkin tibbi yardım göstərsə də heç bir xeyri olmadı. Uşağı təcili Şəmkir şəhər xəstəxanasına apararkən yolda dünyasını dəyişib. Nənəsinin dediyinə görə ölən Elgün Məhərrəmovun əvvəlcədən səhhətində problem olub”.
