Xəbərlər / Müəllim
04 yanvar 2019
3 077
I siniflərdə ləğv edilən summativ qiymətləndirməni nə əvəzləyəcək? – Rəsmi
"Summativlərdə əsas dəyişiklik onların sayının azaldılması ilə bağlıdır. I sinifdə summativ qiymətləndirilmə aparılmayacaq. Müəllim formativ qiymətləndirməyə üstünlük verəcək. Bu, şagirdin psixoloji durumuna müsbət təsir edəcək dəyişiklikdir”.
Bu sözləri Təhsil Nazirliyinin şöbə müdiri Emin Əmrullayev mətbuat konfransında jurnalistlərə açıqlaması zamanı deyib. Onun sözlərinə görə, bu yeni üsul təhsilalanların attestasiyadır:
"Bəzi qurumlar bunu müəllimlərin attestasiyası kimi qələmə verirlər. Lakin ümumi məqsəd şagirdlərin imtahan yükünü aşağı salmaq və qeyri-müəyyənlikləri qaydasına qoymaqdır.
Diaqnostik, formativ, summativ qiymətləndirmə aparılır.
Summativlərdə əsas dəyişiklik onların sayının azaldılması ilə bağlıdır. I sinifdə summativ qiymətləndirilmə aparılmayacaq. Müəllim formativ qiymətləndirməyə üstünlük verəcək. Bu, şagirdin psixoloji durumuna müsbət təsir edəcək dəyişiklikdir.
KSQ müəllimin bölmə sonunda apardığı qiymətləndirmədir. BSQ isə yalnız yarımildə, komissiya tərəfindən aparılır. Əvvəllər isə şagird bütün fənlər üzrə summativ qiymətləndirməyə cəlb olunurdu.
