Məktəbdaxili qiymətləndirmə ilə bağlı yeni qaydalar

Nəzərinizə çatdırırq ki, hazırda məktəbdaxili qiymətləndirmə ilə bağlı yeni qaydaların hazırlanması ilə əlaqədar iş aparılır. "Ümumi təhsil pilləsi üzrə təhsilalanların qiymətləndirilməsi (yekun qiymətləndirmə istisna olmaqla) qaydaları” adlanan bu layihədə qiymətləndirmə ilə bağlı bir sıra köklü dəyişikliklər həyata keçiriləcəkdir. Yeni qaydalara əsasən nəzərdə tutulan bir sıra yenilikləri diqqətinizə çatdırmaq istərdik.

Qeyd etmək lazımdır ki, məktəbdaxili qiymətləndirmə əvvəlki kimi diaqnostik, formativ və summativ olmaqla üç növdən ibarət olacaqdır. Əsas dəyişiklikər summativ qiymətləndirmələr və onların formatı ilə bağlıdır. Belə ki, I siniflərdə summativ qiymətləndirmə nəzərdə tutulmur. II-IV siniflərdə isə kiçik summativlər nəzərdə tutulsa da, böyük summativ qiymətləndirmə aparılmayacaqdır.

Böyük summativ qiymətləndirmə yalnız V-XI siniflərdə aparılacaqdır. BSQ-lər V-IX siniflərdə ümumi orta təhsil pilləsi üzrə buraxılış imtahanında nəzərdə tutulmuş fənlərdən, X-XI siniflərdə isə tam orta təhsil pilləsi üzrə buraxılış imtahanında nəzərdə tutulan fənlərdən həyata keçiriləcəkdir.

Yarımil qiymətləri böyük summativ qiymətləndirmə aparılmayan fənlər üzrə KSQ ballarının ədədi ortası və ona uyğun qiymətə ("5” ballıq) əsasən yazılır.

BSQ aparılan fənlər üzrə isə yarımil balı

düsturuna əsasən çıxarılır və həmçinin "5” ballıq şkala ilə də qiymətləndirilir.

Şagirdin illik balı onun yarımillik ballarının ədədi ortası kimi müəyyənləşdirilir və 5 ballıq şkalaya uyğunlaşdırılaraq sinif jurnalının müvafiq qrafasının birinci sütununda 100 ballıq şkalaya uyğun bal, ikinci sütununda isə 5 ballıq şkalaya uyğun qiymət yazılır.

Summativ qiymətləndirmə ballarının 5 ballıq şkala ilə uyğunlaşdırılması aşağıdakı cədvəl üzrə aparılır: