Xəbərlər / Valideyn / Müəllim / Səhiyyə
09 sentyabr 2018
2 995
Bakıda və Abşeron yarımadasında toz dumanı olacaq - Şagirdlərə çox zərərli
Bakıda və Abşeron yarımadasında 09 sentyabr 2018-ci il tarixində gecə saatlarından etibarən zəif toz dumanı proqnozlaşdırılır.
Bu barədə Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin havanın keyfiyyətini ölçən avtomatik və stasionar monitorinq stansiyalarından alınan məlumatda deyilir.
Bildirilir ki, buna səbəb ölkə ərazisində əsən şimal-qərb küləyinin şimal-şərq küləyi ilə əvəz olunması nəticəsində Türkmənistan ərazisindən ölkəmizə daxil olan toz dumanıdır.
Belə tozlu hava şəraitinin qısa müddət ərzində davam edəcəyi gözlənilir.
Qeyd edək ki, Çin və Avropa alimlərinin araşdırmalarına əsasən, tozlu hava şəraiti birbaşa tədrislə məşğul olan insanlara daha çox ziyan vurur. Əsasən də şagirdlərin riyazi -analitik bacarığı tozlu hava zamanı çox aşağı düşür.
