VİDEOLAR-Məktəbəqədər təhsil müəssələrinin Təhsil Nazirliyinin tabeleyinə verilməsi zamanın tələbidir

İlk öncə onu deyim ki, bu kadrlara baxanda Xocalıda əsir götürülmüş körpə balalarımıza verilən işgəncələr gözümün qarşısına gəldi ....

Qanunvericiliyə əsasən ölkə ərazisində təhsil müəssəsi açmaq hüquna məhdudiyyət yoxdur .Belə ki, Azərbaycan Respublikasının vətəndaşları ,əcnəbilər və ya vətəndaşlığı olmayanlar ,o cümlədən Azərbaycan Respublikasında və xaricdə qeydiyyatdan keçmiş hüquqi şəxslər təhsil müəssəsinin təsisçisi ola bilərlər.( Təhsil Qanunu maddə 15 )

Azərbaycan Respublikasında hər bir təhsil müəssisəsi təhsil fəaliyyəti göstərmək üçün qanunvericiliklə müəyyən edilmiş qaydada müvafiq icra hakimiyyəti оrqanından xüsusi razılıq (lisenziya) almalıdır. Dövlət təhsil müəssisələrinə xüsusi razılıq (lisenziya) müddətsiz verilir.

Azərbaycan Respublikasının hüquqi və fiziki şəxsləri tərəfindən təsis edilmiş bələdiyyə və özəl təhsil müəssisələrinə xüsusi razılıq (lisenziya) beş il müddətinə verilir.

Əcnəbilər və ya vətəndaşlığı olmayan şəxslər, xarici hüquqi şəxslər tərəfindən təsis edilmiş təhsil müəssisələrinə xüsusi razılıq (lisenziya) üç il müddətinə verilir.( bax Təhsil Qanunu maddə 16)

Təsisçinin məsuliyyəti, səlahiyyət dairəsi, təhsil müəssisəsi ilə qarşılıqlı öhdəlikləri Azərbaycan Respublikasının qanunvericiliyi, təsis müqaviləsi və təhsil müəssisəsinin nizamnaməsi ilə müəyyən edilir.( bax Təhsil Qanunu maddə 15)

Sosial şəbəkədə yayılmış dəhşət saçan videodan sonra bir də məlum olur ki, həmin baxça adlandırılan müəssənin fəaliyyəti üçün rəsmi icazə yox imiş.

Bu hadisə ortaya qəribə bir fakt qoyur: Biz bilirik ki, təhsil müəssəsi açmaq , təhsil müəssəsi kimi fəaliyyət göstərmək heç də asan bir məsələ deyil.

Ölkədə ictimai asayişi və dövlət təhlükəsizliyini qoruyan qurumlar kifayət qədər peşəkardırlar.Görünən bu "baxça”nı işlədənlərin arxasında duran kimdirsə , həttə qanun və onu qoruyanlardan daha güclü görünmək istəyir.

Yəqin ki ,dövlət orqanları məsələni nəzarətə götürüblər və bu "baxça”nın açılmasında , kadrlarda görüntülənən iblis qəlbli qadıncığazların ora işə götürülməsində əməyi ,rolu olan hər bir kəs layiqli cəzasını alacaqdır.

Həmin müəssə lisenziya alıb hətda qanuni fəaliyyət göstərsəydi belə ,kadrlardan göründüyü kimi Azərbaycan Respublikası Təhsil Nazirliyinin Kollegiyasının 2014-cü il 6 noyabr tarixli, 1/2 nömrəli Qərarı ilə təsdiq edilmiş "Müəllimlərin etik davranış Qaydaları” nın 4.1.8 4.1.9 bəndlərinin kobud şəkildə pozulduğu üçün həmin şəxslər müəllimlikdən uzaqlaşdırılacaqdılar.

Təcrübə göstərir ki, Təhsil Nazirliyi bəzən ictimai qınağa çəkilsədə ,əslindu bu sahədə mövqeyi sərtdir,birmənalıdır. Buna 189-190 saylı məktəbdə bir ay öncə və ondan daha əvvəl baş verənlər əyani sübutdur.

Məsələnin əsl mahiyyəti fikrimcə başqadır. Yəni nə qədər ki, məktəbəqədər təhsil müəssələri Təhsil Nazirliyinin tabeliyinə qaytarılmayıb məktəbəqədər təhsil müəssələrində ( istər dövlət ,istərsədə özəl ) belə hadisələr görünür hələ çox olacaq.

Digər tərəfdən məktəbəqədər təhsil müəssələri Təhsil Nazirliyinin tabeliyinə qaytaralarsa bu sahəyə mərkəzləşmiş nəzarəti həyata keçirtmək mümkün olacaq.

Elşən Qafarov

P.S. Bu arada məktəbəqədər təhsil müəssələrimizdə işləyən işinin peşəkarı olan minlərlə müəllimlərimiz var ki ,onların əməyini itirmək olmaz və məktəbəqədər təhsil müəssələrinin Təhsil Nazirliyindən aralı olması , təhsil sahəsində dövlətin əsas prinsiplərindən biri olan fasiləsizlik, vəhdətlik, daimilik ( mövcud təhsil standartları, tədris prоqramları və planları əsasında təhsilin bir neçə səviyyədə əldə edilməsi imkanı, təhsilin ayrı-ayrı pillələri arasında sıх dialektik qarşılıqlı əlaqənin təmin оlunması və оnun insanın bütün həyatı bоyu ardıcıl davam etməsi-bax Təhsil Qanunu maddə 3) prinsipinin pozulmasıdır.