Peşə təhsili müəssisələrində tərbiyəvi işin təşkili ilə bağlı təlim keçirilib
19 noyabr 2025-ci il tarixlərində Sənaye və İnnovasiyalar üzrə Bakı Dövlət Peşə Təhsil Mərkəzində peşə təhsili müəssisələrində tərbiyəvi işin təşkili mövzusunda təlim keçirilib. Təlimdə 20 peşə təhsili müəssisəsini təmsil edən tərbiyə işləri üzrə direktor müavinləri iştirak edib.
AzTehsil.com xəbər verir ki, təlimlərin əsas məqsədi peşə təhsili müəssisələrdə tərbiyə işinin idarə olunması və planlaşdırması, gənclərin milli-mənəvi dəyərlər əsasında inkişafı, valideynlərlə iş və sosial tərəfdaşlıq, intizam və davamiyyətin idarə olunması, eləcə də dövlət qurumları ilə əməkdaşlıq mövzusunda zəruri bilik və bacarıqlar qazandırmaq olub.
Təlim interaktiv formatda həyata keçirilib. İştirakçılar real situasiyalar üzərində qrup çalışmalarında iştirak edərək mövzular üzrə əldə etdikləri bilikləri praktik tapşırıqlarla tətbiq etmək imkanı əldə ediblər.
