Müəllimlərə ŞAD XƏBƏR
Elm və Təhsil Nazirliyi mərhələli şəkildə 20 min tam ştatlı müəllim vəzifəsinin yaradılacağını açıqlayıb. Nazir Emin Əmrullayev bildirib ki, yeni sistemdə tam ştatlı müəllimlərin aylıq əməkhaqqısı ölkədə orta əməkhaqqıdan iki dəfə yüksək olacaq.
AzTehsil.com xəbər verir ki, hazırda orta əməkhaqqı təxminən 1050 manatdır və bu halda tam ştatlı müəllimlərin maaşı 2100 manatı ötəcək.
“Tam ştatlı müəllimlər həftəlik 30–36 saat işləyəcək, bunun 18-24 saatı birbaşa dərs prosesinə ayrılacaq. Qalan vaxt isə şagirdlərlə fərdi iş, metodik hazırlıq, layihə əsaslı təhsil və məktəbdaxili koordinasiya işlərinə sərf olunacaq".
Nazir qeyd edib ki, bu sistem yalnız iri məktəblərə tətbiq olunacaq, kiçik məktəblər isə saathesabı dərs modeli ilə fəaliyyətini davam etdirəcək. Hazırda ölkədə orta aylıq əməkhaqqı təxminən 1050 manat təşkil edir. Bu halda tam ştatlı müəllimlərin maaşı 2100 manatı ötəcək.
