"Direktorları dəyişməyən məktəblərdə avtoritarizm hökm sürür"
"Elm və Təhsil Nazirliyinin 10-15 ildir təlimatı var ki, məktəb rəhbərliyi hər beş ildən bir dəyişilməlidir. Çünki beş ildən artıq qalan müəllimlərin məktəb rəhbərliyini yaxşı tanıması müəyyən neqativ hallara gətirib çıxarır".
AzTehsil.com xəbər verir ki, bu fikirləri redaktor.az-a təhsil eksperti Məzahir Məmmədli məktəb rəhbərliyinin beş ildən bir dəyişdirilməsi məsələsindən danışarkən bildirdi.
Onun sözlərinə görə, beş ildən bir müəllim yerdəyişməsi kollektiv üçün yenilikdir:
"Bununla idarəetmədə fərqlilik yaranır. Bu limitin qoyulması, məncə, kifayət qədər yaxşı addımdır. Hətta 20 il, 25 ilin oturuşmuş məktəb direktorları var ki, orada korrupsiya halları baş verir. Ümumiyyətlə, 20 il, 25 il dəyişməyən məktəb direktorları var. Direktorları dəyişməyən məktəblərdə avtoritarizm görünür. Amma hər beş ildən bir dəyişən müəllimlərin məktəblərinə baxanda, orada nə bir neqativ hallar var, nə pul yığma halları var, orada mühit sağlamdır. Təbii ki, istisnalar var. Müəyyən belə neqativ halların müşahidə olunduğu yerlər olub. Amma ümumilikdə rotasiya olunan məktəblər kifayət qədər normaldır".
