Məktəbləri öz qanunları ilə idarə edən direktorlar CƏZALANACAQ

AzTehsil.com xəbər verir ki, məktəb direktorlarının vəzifə səlahiyyətlərindən sui-istifadəsi, qeyri-etik davranışları səbəbilə işdən azad olunması və töhmət alması halları artmaqdadır.“Məktəbdə baş verən neqativ hallar növündən asılı olmayaraq təhsilə, tərbiyəyə təsir göstərən faktordur. Əksər məktəblərdə qeyri-qanuni şəkildə vətəndaşlardan pul tələb etmək prosesi gedir, lakin məsələ qapalı qalır. Belə özbaşınalığın qapalı qalmasının iki səbəbi var. Birincisi, valideyn etinasızlığı, yəni tələb olunan məbləğin ödənilməsidir. Digər səbəb isə məktəb direktorlarını himayə edən şəxslərin olmasıdır. Bu gün Bakı, eləcə də rayonlardakı məktəbləri himayə edən vəzifəli şəxslər var. Məktəb direktorları da həmin vəzifəli şəxslərə söykənərək istənilən özbaşınalığı edirlər. Buna görə də Təhsil Nazirliyinin İctimai Şurasına və ya digər qurumlara müraciət etsinlər.Çünki biz həmin məsələləri təhsil naziri qarşısında qaldıra bilərik. Ona məlumatları verə bilərik.Artıq neçənci əsrdə yaşayırıq, dünyada məktəblər başqa yöndə fəaliyyət göstərirlər. Bu cür neqativ hal bizdəki bəzi direktorların feodal təfəkkürünün təzahürüdür. Birmənalı olaraq uşağın məktəbə pul gətirməsi ona mənfi təsir edir, məktəblə valideyn, cəmiyyət arasında qarşıdurma yaradır.Yayılan bu xəbərlər və baş verən özbaşınalıqlar yalnız həmin təhsil müəssisənin adına deyil bütövlükdə təhsil sistemimiz üçün ləkədir.

Bu hallar direktor seçiminin, onların işə qəbul prosesinin daha da təkmilləşdirilməsinin zəruriliyini ön plana çəkmək lazımdır.İnsanlar susmasınlar ki, belə problemlər qabarıb öz həllini tapsın.Bu isə orta təhsil üçün yad bir məsələdir və belə halların kökü kəsilməlidir. Direktorun işdən çıxarılması və inzibati cərimələr ödənilməsi təqdirə layiqdir.

Belə anlama gəlir ki, “Məktəb direktorları vəzifəli şəxslərə söykənərək özbaşınalıq edirlər”.